Aýyl sharýashylyǵy mınıstrliginiń málimetinshe, 16 mamyrdaǵy jaǵdaı boıynsha ulttyq operator 169 myń tonna astyqty kúzgi tapsyrý úshin aldyn ala tólem retinde fermerlerdiń shotyna 6,4 mlrd teńge aýdardy. Onyń 4,7 mlrd teńgesi bıdaı óndirýshilerge, 549 mln teńgesi maıly zyǵyr ósirýge mamandanǵan aýyl sharýashylyǵy kásiporyndaryna, 367,7 mln teńgesi arpa jetkizýshilerine baǵyttaldy. Bul rette Shyǵys Qazaqstan oblysyna tıesili kúnbaǵys óndirýshilerine basym bóligi 688,9 mln teńge jiberildi.
Qarjylandyrýdyń eń kóp kólemi dástúrli túrde negizgi astyqty aımaqtarǵa keledi. Qazirdiń ózinde qarjylaı qoldaýdy Qostanaı, Soltústik Qazaqstan, Shyǵys Qazaqstan jáne Aqmola oblystarynyń 98 aýyl sharýashylyǵy kásiporny aldy.
2025 jyly aýyl sharýashylyǵy ónimderin forvardtyq satyp alý baǵdarlamasy boıynsha maıly daqyldardy óndirýshilerdi nesıelendirý kólemi ulǵaıtylady.
Kóktemgi dala jumystaryn qarjylandyrýǵa ótinimder qabyldaý bastalǵannan beri Azyq-túlik kelisimshart korporasııasyna jalpy somasy 19 mlrd teńgege júgingen. Forvardtyq kelisimsharttar boıynsha sharýalar oraq naýqany aıaqtalǵannan keıin memlekettik operatordyń resýrstaryna 368 myń tonna astyq jetkizýdi josparlap otyr.
Forvardtyq qarjylandyrý baǵdarlamasy aýyl sharýashylyǵy taýaryn óndirýshilerdi egis jumystaryna qoljetimdi qarajatpen qamtamasyz etýge baǵyttalǵan. Alǵan avansty sharýalar tuqym, tyńaıtqysh, qosalqy bólshekter jáne basqa da resýrstardy satyp alýǵa jumsaıdy. Bul rette memleket qarjylandyrýdy ǵana emes, sonymen qatar Azyq-túlik kelisimshart korporasııasy arqyly astyq ónimderin ádil baǵamen ótkizýge de kepildik beredi. Osylaısha, forvardtyq tetik fermerlerge qarjylyq júktemeni azaıtýǵa jáne marketıngtik táýekelderdi barynsha azaıtýǵa kómektesedi.
