foto: ashyq derekkóz
Memlekettik órt sóndirý beketteri joq eldi mekenderde 37 órt sóndirý beketin qurý týraly tapsyrma berilgen. Búginde 10 beket qurylyp, óz jumystaryn atqaryp jatyr. Qalǵan 27 beketti salý jumystary jalǵasady. Sondaı-aq jospar boıynsha belgilengen 14 myń shaqyrymnyń 13 958 shaqyrymyna mıneraldy jolaqtar qazylǵan. Osy baǵytta aldyn alýdaǵy is-sharalar jospary bekitilip, tıisti mekemeler men uıymdarǵa tapsyrmalar berilgen. Másele baqylaýda tur.
Bıyl shomylý maýsymynyń bastalmaǵanyna qaramastan oblys aýmaǵynda túrli jaǵdaılarda sýǵa ketý oqıǵalary tirkelgen. Arasynda balalar da bar. О́ńirde quzyrly mekemeler tarapynan sý aıdyndarynda patrýldeý, reıd jumystary júrgizilip keledi. Jyl basynan beri 657 ret reıd júrgizilip, nátıjesinde sýdaǵy qaýipsizdik qaǵıdalaryn buzǵan 32 jeke tulǵaǵa 440 384 teńge aıyppul salynǵan.
Oblys ákimi Nuralhan Kósherovtiń tóraǵalyǵymen ótken májiliste osyndaı derekter keltirilip, órt qaýipsizdigin saqtaý jáne sýǵa shomylý maýsymyndaǵy saqtyq is-sharalaryn kúsheıtý qajettigi aıtyldy.
