Jańa sahna shymyldyǵy «Kúlsheqyz» ertegisimen ashyldy. Kórermenderdiń ystyq yqylasyna bólengen teatr ujymy kelesi qoıylymyn «Bremen mýzykanttarymen» 22 mamyrda jalǵastyrmaqshy.
Qazaqstannyń halyq artısi, aktrısa Olga Korjeva teatr ujymy jáne kórermenderdiń qala ákimdigine rızashylyǵyn bildirip, teatrǵa 44 jyldan keıin alǵash ret kúrdeli jóndeý jumystarynyń jasalyp jatqanyn jetkizdi.
Qazirgi kezde teatrda tirek qurylymdary kúsheıtilip, shatyr men qasbeti, sahna, jaryq jáne dybys júıeleri tolyqtaı jańǵyrtylyp jatyr. Ǵımarattyń tarıhı kelbetin saqtaý erekshe nazarda. Mármár edender, vıtrajdar, mozaıkalar men basqa da sáýlettik elementter qalpyna keltirilip, múmkindigi shekteýli kórermenderdiń de teatrǵa kelýine qolaıly jaǵdaılar jasalyp jatyr.
Teatrdyń negizgi ǵımaratynyń janynan kameralyq sahna ornalasatyn bólek ǵımarat boı kóteredi. Onda SATS COMMUNITY teatr stýdııasynyń synyptary, sheberhanalar jáne grım bólmeleri ornalasady. Eki korpýsty biriktiretin galereıa salynady. Jóndeý jumystaryn aıaqtaý keler jyldyń shilde aıyna josparlanǵan.
ALMATY
