Sońǵy bir jylda Qazaqstanda shaǵyn jáne orta bıznestiń negizgi kórsetkishteri ósim kórsetti. Bul jóninde QR Ulttyq ekonomıka mınıstrliginiń kásipkerlikti memlekettik qoldaý jáne qorǵaý departamentiniń dırektory Daryn Abdýálı resmı statıstıkaǵa súıene otyryp málimdedi.
«2024 jyldyń tórtinshi toqsanynyń qorytyndysy boıynsha shaǵyn jáne orta bıznestiń el ekonomıkasyndaǵy úlesi 39,7%-ǵa jetti. Bul kórsetkish 2023 jyldyń sáıkes kezeńimen salystyrǵanda 3,2 paıyzǵa joǵary (sol kezde 36,5% bolǵan)», dedi ol.
Sondaı-aq, jumyspen qamtylǵandar sany 2,2%-ǵa ósip, 4,4 mıllıon adamǵa jetken. 2023 jyly bul kórsetkish 4 322 093 adamdy quraǵan bolatyn.
«Shaǵyn jáne orta bıznes ónimderiniń óndirisi de aıtarlyqtaı artty. 2024 jyldyń tórtinshi toqsanynda bul kórsetkish 81 trıllıon teńgeni qurady, bul 2023 jyldyń dál osy kezeńimen salystyrǵanda 19,2%-ǵa kóp (byltyr – 68,7 trln teńge)», dep tolyqtyrdy Daryn Abdýálı.
