Qujat uzaq merzimdi áriptestik ornatýǵa jáne óńirlik halyqaralyq avıasııalyq hab qurý boıynsha aýqymdy jobany iske asyrý úshin qajetti is-sharalardy aıqyndaýǵa baǵyttalǵan. Joba logıstıka, avıasııalyq mamandardy daıarlaý, kommersııalyq jáne avıasııalyq ınfraqurylym baǵyttaryn qamtıdy.
Memorandým aıasynda Azamattyq avıasııa akademııasy kadrlardy daıarlaý jáne ınnovasııalyq bilim berý sheshimderin engizý boıynsha beıindi salalyq áriptes retinde belgilendi.
Jobany júzege asyrý Almaty oblysy, Uıǵyr aýdany, Bahar aýylynda ornalasqan Akademııaǵa tıesili jer ýchaskesinde júrgiziledi.
Azamattyq avıasııa akademııasynyń qytaılyq áriptesterimen yntymaqtastyǵy turaqty damý ústinde. 2024 jyldyń qyrkúıek aıynan bastap Akademııa Qytaıdyń Tıanszın qalasynyń mýnısıpalıtetimen «Bir beldeý — bir jol» halyqaralyq joba aıasynda jumys istep keledi. Qytaıdyń azamattyq avıasııa ýnıversıtetimen birlesip, áýejaılardyń sıfrlyq egizderiniń qytaı-qazaq zertteý ortalyǵyn qurý jobasy júzege asyrylýda. Bul joba avıasııalyq ınfraqurylymdy basqarý jáne qyzmet kórsetý boıynsha zııatkerlik júıelerdi damytýǵa, sondaı-aq azamattyq avıasııany sıfrlyq túrlendirý úderisterin qoldaýǵa baǵyttalǵan.
Yntymaqtastyq aıasynda taraptar azamattyq avıasııa salasyndaǵy ınnovasııalar jónindegi birlesken ortalyq qurý múmkindigin qarastyryp jatyr.
Almaty
