Sportshy grossmeısterlik ataqqa qajetti úshinshi jáne sońǵy normany oryndap, óziniń sporttyq mansabynda alǵash ret 2500 reıtıngilik upaı mejesinen asty. Bul halyqaralyq grossmeıster ataǵyn alý úshin qoıylatyn basty sharttardyń biri edi.
Týrnır qorytyndysy boıynsha Asaýbaeva 64 grossmeısterdiń ishinde úzdik otyzdyqqa endi. Sonymen qatar ol áıelder arasynda eń joǵary nátıjege qol jetkizip, álemdik deńgeıdegi juldyzdar – áıelder Gran-prıiniń jeńimpazy Chjý Szıner men Dúnıejúzilik shahmat olımpıadasynyń chempıony Dıvıa Deshmýhtan ozyp shyqty.
Qazaqstan shahmat federasııasynyń málimetinshe, endi tek FIDE keńesiniń aldaǵy otyrysynda ataqtyń resmı bekitilýin kútý qaldy.
«Endi FIDE keńesiniń aldaǵy otyrysynda ataqtyń resmı túrde bekitilýin kútý ǵana qaldy. Sol kezde Bıbisara Qazaqstan tarıhyndaǵy Jansaıa Ábdýmálikten keıingi ekinshi áıel grossmeıster atanbaq», delingen habarlamada.
Bıbisara Asaýbaeva – jasóspirimder arasyndaǵy birneshe dúrkin álem chempıony, áıelder arasyndaǵy álem chempıonatynyń (rapıd) kúmis júldegeri, iri halyqaralyq týrnırlerdiń qatysýshysy jáne kóptegen marapattardyń ıegeri.
