foto: ashyq derekkóz
1991 jyly Qazaqstan óz egemendigin jarııalaǵany belgili.Bul ǵasyrlar boıy azattyqty ańsaǵan halqymyzdyń armanynyń oryndalýy edi. Alaıda táýelsizdik tek deklarasııamen shektelmeıdi. Ol berik negizge súıenýi tıis. Mine, dál sol negiz– 1995 jyly qabyldanǵan Qazaqstan Respýblıkasynyń Konstıtýsııasy. Ata zańymyzda Qazaqstan ózin demokratııalyq, zaıyrly, quqyqtyq jáne áleýmettik memleket dep jarııalady. Bul el damýyndaǵy jańa kezeńniń bastaýy boldy. Konstıtýsııanyń arqasynda adam quqyqtary men bostandyqtary eń joǵary qundylyq retinde tanylyp, árbir azamattyń ómir súrýine, bilim alýyna, eńbek etýine, óz oıyn erkin bildirýine zańdy kepildik berildi. Sol sebepti de Ata zań–eldigimizdiń aıǵaǵy. Ol tek quqyqtyq qujat emes, ol– memlekettiliktiń máıegi. Onyń ár baby halqymyzdyń erkindikke jetýdegi kúresin, bolashaqqa degen úmitin, ádil qoǵam ornatýǵa degen senimin beıneleıdi.
Konstıtýsııa el ishindegitatýlyq pen birliktiń de kepili. Kópultty Qazaqstanda beıbitshilik pen kelisim saqtalyp,ár azamattyń teńquqyly bolýy osy negizgi zańnyń arqasynda. Ol bizge tańdaý erkindigin, oı-pikir bildirý quqyǵyn, senim bostandyǵyn syılady. Demek, Ata zań tek memleketti basqarý quraly ǵana emes, ár azamattyń qadir-qasıetin qorǵaýshy qalqan ispettes.
Búginde Konstıtýsııa qoǵammen birge damyp keledi.Ýaqyttyń ózi talap etken reformalar júzege asyp, halyqtyń múddesine baǵyttalǵan ózgerister engizilip jatyr. Bul Ata zańymyzdyń ómirsheń qujat ekenin kórsetedi. Ol zamanaýı syn-qaterlerge beıimdelip, bolashaq urpaqqa qyzmet etý jolynda jańǵyrýda.
Ata zań – táýelsiz eldiń tynysy, erkindiktiń erejesi, ulttyń ustyny. Ol – búgingi beıbit kúnimizdiń, erteńgi kemel keleshegimizdiń kepili. Ár Qazaqstan azamaty ony qurmettep, onyń rýhyn júreginde ustaýy tıis. Sebebi Atazańdy syılaý Táýelsizdikti saqtaý degen sóz.
A.Adenov,
QR Sot ákimshiligi Áskerı soty departamentiniń
Ishki qaýipsizdik bóliminiń bas mamany
