Foto: Ashyq derekkóz
Jeńis Qasymbek endi túlekter úshin mańyzdy kezeń – mamandyq pen joǵary oqý ornyn tańdaý bastalatynyn atap ótti. Bul rette ákimdik tarapynynan tıisti qoldaý kórsetiledi.
«Qala boıynsha joǵary oqý oryndaryna 550-den astam grant bólý josparlanǵan. Sonymen qatar, suranysqa ıe 62 mamandyq boıynsha kolledjderge 10 myń grant qarastyrylǵan», dedi ákim.
Sonymen qatar ákim qaladaǵy bilim berý ınfraqurylymyn damytý qarqyny týraly da aıtty. Bıylǵy oqý jylynda Astanada 24 jańa mektep paıdalanýǵa berilgen. Bul shamamen 66 myń oqýshy ornynyń ashylýyna múmkindik bergen.
«Bul mektepterdiń 16-sy «Jaıly mektep» ulttyq jobasy aıasynda salyndy. Jańa oqý jylynda taǵy 15 mektep ashý josparymyzda bar. Sonymen birge, jeke ınvestısııalardy tartý arqyly da bilim nysandary boı kóterip jatyr», dedi Jeńis Qasymbek.
