Baǵdarlamanyń negizgi maqsaty – memlekettik qyzmettiń tıimdiligin arttyrý jáne jumys prosesterine jasandy ıntellekt (AI) quraldaryn engizý. Memleket basshysy Qasym-Jomart Toqaev óz Joldaýlarynda azamattardyń sıfrlyq saýattylyǵyn arttyrýǵa, ásirese jasandy ıntellekt salasynda bir mıllıon adamdy oqytý qajettiligine erekshe nazar aýdarǵan bolatyn.
«Prezıdent jasandy ıntellekt tehnologııalaryn jáne aýqymdy málimetter qoryn – Big Data-ny tıimdi paıdalaný, zamanaýı sıfrlyq tehnologııalar arqyly halyqpen etene baılanys ornatý joldaryn jaqsartý qajettiligin alǵa qoıdy. Agenttik memlekettik qyzmetshilerdiń sıfrlyq quzyretterin arttyrýboıynsha tıisti sharalar qabyldaýda. О́tkizilip jatqan oqytýlar memlekettik apparatqyzmetinde jańa tehnologııalardy tıimdi qoldanýǵa múmkindik beredi», dedi Darhan Jazyqbaı.
Oqytý kýrstary Memlekettik basqarý akademııasynyń ortalyq jáne óńirlik fılıaldarynda ótedi. Tyńdaýshylar derekterdi taldaý, ákimshilik prosesterdi avtomattandyrý, sheshim qabyldaý jáne ónimdilikti arttyrý baǵytynda bilimin jetildiredi.
AI-Qyzmet baǵdarlamasy aıasynda memlekettik qyzmetshilerge kelesi baǵyttarda daǵdylar úıretiledi:
- aqparatty óńdeý;
- josparlaý;
- prezentasııalar daıyndaý;
- zamanaýı tildik modeldermen (ChatGPT sekildi) jumys isteý;
- jasandy ıntellekt júıelerine beıimdelý qaǵıdattary.
Oqytý Snack Learning formaty boıynsha da – qysqa vıdeodárister túrinde usynylady. Bul memlekettik qyzmetshilerdiń jumys kestesine yńǵaıly ári ıkemdi tásil.
2025 jyldyń sońyna deıin baǵdarlama aıasynda shamamen 30 myńǵa jýyq memlekettik qyzmetshi oqytýdan ótedi dep josparlanǵan.
