Irikteýge kelesi talaptarǵa saı kez kelgen QR azamaty qatysa alady:
- Jasy 35-ten aspaýy tıis;
- Joǵary bilimi jáne keminde 5 jyl jumys ótili bolýy kerek;
- Memlekettik tildi V1 deńgeıinen tómen emes deńgeıde meńgerýi qajet (QAZAQ RESMI TEST nemese KAZTEST sertıfıkaty arqyly rastalady).
Irikteý maýsymnan qazan aıyna deıin birneshe kezeńmen ótedi. Qatysýshylar óz salalary boıynsha baǵalanyp, ár kezeńnen keıin úzdikter iriktelip otyrady.
Saıtta tirkelý kezinde tómendegi qujattar qajet:
- Joǵary bilim týraly dıplom;
- Eńbek ótilin rastaıtyn qujat (Eńbek kodeksiniń 35-babyna sáıkes);
- Memlekettik tildi meńgerý deńgeıi týraly jaramdy sertıfıkat.
Qatysýshylar alty baǵyttyń birin tańdaı alady:
- Infraqurylym, ónerkásip jáne saýda;
- Aýyl sharýashylyǵy jáne ekologııa;
- Syrtqy saıasat jáne ınvestısııalar;
- Ekonomıka jáne qarjy;
- Sıfrlandyrý;
- Áleýmettik saıasat jáne azamattyq qoǵam.
Eger ótinim berý kezinde jaramdy til sertıfıkaty bolmasa, úmitkerge bir rettik tegin testileýden ótý múmkindigi beriledi. Ol úshin QAZAQ RESMI TEST (www.qrt.kz) nemese KAZTEST boıynsha beriletin promokod arqyly tirkelý qajet.
1-30 maýsym aralyǵynda pkrezerv.gov.kz saıtyna JSN men elektrondyq poshtany engizip tirkelý qajet. Júıe jasyńyzdyń talapqa saı ekenin teksergennen keıin anketa toltyrý jáne qujattardy júkteý múmkindigi beriledi.
Tirkelý barysynda suraqtar týyndaǵan jaǵdaıda kandıdat https://pkrezerv.gov.kz saıtyndaǵy Jivo chat nemese +7 700 096 70 74 nómiri boıynsha qoldaý qyzmetine, sondaı-aq info@pkrezrv.gov.kz elektrondyq poshtasyna hatjoldaý arqyly júgine alady.
