Ázirge «Taza Qazaqstan» baǵdarlamasy aıasynda ekologııalyq bastamaǵa qatysýǵa 300-den astam stýdent nıet bildirgen. Joba jetekshileri, jumysshy jasaqtardyń negizgi mindeti senbilikter men aǵash otyrǵyzýǵa qatysý ǵana emes, ekologııalyq jaýapkershilikti kúsheıtý men jastardy qalalyq ortadaǵy ózgeristerge beıimdeý ekenin aıtady.
Kóktemgi kezeń bastalǵaly jasaqtar 15-ten astam ekologııalyq is-shara ótkizgen. Olardyń deni sý qoımalarynyń jaǵalaýlaryn tazalaý, saıabaqtardy retke keltirý, qala mańyndaǵy aımaqtarǵa aǵash otyrǵyzý jumystaryn quraıdy.
Bıyl erekshe qorǵalatyn tabıǵı aýmaqtarda jumys isteýge nazar aýdarylmaq. Eko-jaýyngerler tanymal týrıstik marshrýttardy — Medeý, Kók-Jaılaý, Úlken Almaty kóli jáne basqa da oryndardy tazalaýmen aınalysady. Sonymen qatar, eriktiler týrıstik oryndarǵa aqparattyq taqtaıshalar ornatyp, jadynamalar taratyp, taýlardaǵy jaýapkershilikti eske salady.
Eske salsaq, jobaǵa 16 men 35 jas aralyǵyndaǵy kez kelgen azamat — «Jastar rýhy Almaty» JK, JOO jáne stýdenttik eko-klýbtary arqyly qosyla alady. Qatysýshylar resmı mártebege, jalaqyǵa jáne mansaptaǵy alǵashqy qadam bolýy múmkin biregeı tájirıbege ıe bolady.
