foto: ashyq derekkóz
Konkýrs boıynsha Eýrazııa Lıgasynyń Álem Kýbogyndaǵy kezeńderi mynadaı. (FEI CSI 1*-W) jáne atpen mánerlep júrý (FEI CDI 1*) .
Bul saıystar Halyqaralyq at sporty federasııasynyń (FEI) resmı qoldaýymen ótkiziledi. Jarysqa Armenııa, Grýzııa, Iran, Qyrǵyz Respýblıkasy, О́zbekstan men Qazaqstannan kelgen 60-qa jýyq sportshy qatysady. Qatysýshylar kúsh-qaırat, shapshańdyqty qajet etetin sport túrlerinen baq synaıdy.
Konkýr – jylqy men shabandozdyń ártúrli bıiktiktegi kedergilerden ótý sheberligin baǵalaıtyn olımpıadalyq baǵyt. Bul sport túriniń maqsaty – belgilengen qashyqtyqty múmkindiginshe tez ári qatesiz eńserý. Atpen kórkem júrý – shabandoz ben attyń arnaıy alańda belgili bir tártippen qozǵalystar oryndaýyn talap etetin joǵary deńgeıli sport baǵyty. Qazaqstanda mundaı dárejedegi sport túrinen jarys ótkizilýi – eldegi at sportynyń damý úderisin jáne oǵan degen qyzyǵýshylyqtyń artqanyn kórsetedi.
Bul doda otandyq sportshylar úshin tájirıbe jınap, úzdik halyqaralyq qarsylastarmen saıysýǵa, sondaı-aq mańyzdy týrnırlerge joldama ıelenýge múmkindik beredi.
Júlde qory 24 000 AQSh dollaryn quraıdy.
О́tetin orny: «Arǵymaq» ASSK, Astana q., Qarqaraly tas joly, 1.
О́tý merzimi: 2025 jylǵy 30 mamyr – 1 maýsym.
Bastalýy: saǵat 09:00.
Kirý erkin.
2025 jylǵa josparlanǵan Eýrazııalyq lıga aıasyndaǵy Álem Kýbogynyń kezeńderi kelesi qalalarda ótedi: Tashkent – 1 (О́zbekstan), Tashkent – 2 (О́zbekstan), Bishkek – 3 (Qyrǵyzstan), Astana – 4 (Qazaqstan), Tbılısı – 5 (Grýzııa), Tbılısı – 6 (Grýzııa), Erevan – 7 (Armenııa), Tegeran – 8 (Iran).
Lıga aıasynda ótetin «Grand Prix» sanatyndaǵy negizgi marshrýt nátıjesinde 2025 jylǵy konkýr boıynsha Álem Kýbogynyń fınalyna qatysý joldamasy sarapqa salynady.
QR At sporty federasııasynyń baspasóz qyzmeti
BAQ ókilderine arnalǵan baılanys: +7 705 185 6366, +7 777 483 9118
Damıra Tólegen,
EUÝ stýdenti
