foto: ashyq derekkóz
2022 jyldyń 1 qańtarynan bastap týrızm salasyndaǵy kásipkerlik sýbektilerine jeti túrli memlekettik qoldaý kórsetiledi. Olar mynalar:
-
Kelý týrızmin damytýǵa arnalǵan sýbsıdııalar
Otandaǵy týroperatorlarǵa sheteldik týrısterdi tartqany úshin ár adamǵa 15 000 teńge mólsherinde qarjylaı kómek beriledi. Bul úshin sheteldik týrıstiń Qazaqstanda keminde 4 kún, 3 tún turǵany jáne eQonaq júıesinde tirkelgeni rastalýy qajet. -
Balalarǵa arnalǵan áýe bıletterin sýbsıdııalaý
Ishki týrızmdi qoldaý maqsatynda 18 jasqa deıingi balalar úshin elimizde tegin ushý qarastyrylǵan. Ol úshin ishki týrızm salasynda qyzmet kórsetetin týroperatordan týr satyp alý talap etiledi. Mundaı jaǵdaıda áýe bıletteriniń quny tolyqtaı sýbsıdııalanady. -
Taý shańǵysy kýrorttarynyń jabdyqtary men tehnıkalaryn satyp alýǵa kómek
Kásipkerler aspaly joldar, qar tazalaý tehnıkasy jáne jasandy qar jasaý quraldaryn satyp alǵanda memleket shyǵynnyń 25%-yn óteıdi. -
Jol boıyndaǵy servıs nysandaryn salýǵa jumsalǵan shyǵyndardy óteý
Motelder, janarmaı quıý beketteri, tamaqtaný oryndary, dárihanalar jáne basqa da qyzmet kórsetý oryndaryn salý úshin jumsalǵan shyǵyndardyń 10%-y memleket esebinen óteledi. -
Sanıtarlyq-gıgıenalyq toraptardy ustaýǵa arnalǵan sýbsıdııa
Týrıstik aımaqtarda, avtomobıl joldarynyń boıynda jáne qorǵalatyn tabıǵı aýmaqtarda ornalasqan sanıtarlyq-gıgıenalyq toraptarǵa aı saıyn 83 300 teńge kóleminde qarjylaı qoldaý beriledi. -
Týrıstik obektilerdi salý nemese jańartý shyǵyndaryn óteý
Týrıstik qyzmet kórsetý nysandaryn jáne týrısterge qajetti baǵyttarda salynatyn nemese jańartylatyn obektilerdiń shyǵyndarynyń 10%-y sýbsıdııalanady. -
Týrıstik avtobýstardy satyp alýǵa qarjylaı ótemaqy
Syıymdylyǵy 8 orynnan joǵary (júrgizýshini qospaǵanda) avtobýstardy satyp alý kezinde shyǵyndardyń 25%-y óteledi. Avtobýs keminde 5 jyl boıy tek týrıstik maqsatta paıdalanylýy tıis.
Atalǵan qoldaý sharalary ishki týrızm aǵynyn kóbeıtýge, kásipkerlerge týrıstik ónimderdi damytýǵa, ınfraqurylymdy jaqsartýǵa jáne qyzmet sapasyn arttyrýǵa múmkindik beredi.
Damıra Tólegen
EUÝ stýdenti
