2022 jyldyń sáýirinde apatty dep tanylǵan Sam aýylyndaǵy «Sam» mektep-bóbekjaı kesheniniń ornyna jańa bilim oshaǵy boı kóteredi. Qurylys jumystaryn «SKA-Stroımontaj» JShS júrgizip jatyr.
Qazirgi tańda nysanda ishki jáne syrtqy árleý jumystary qarqyndy júrýde. Ishki árleý 97 paıyzǵa aıaqtalǵan. Sonymen qatar aýlaǵa asfalt tóseý, kespe tas (brýschatka) salý, káriz júıesin ornatý jáne elektr jelilerin tartý jumystary jalǵasyp jatyr. Qurylys tamyz aıynda tolyq aıaqtalyp, qyrkúıek aıynda paıdalanýǵa beriledi.
Budan bólek, oblys boıynsha «Jaıly mektep» ulttyq jobasy aıasynda jalpy 8100 orynǵa arnalǵan 9 mekteptiń qurylysy qarqyn alǵan. Bul nysandar da jańa oqý jylynda oqýshylarǵa esigin ashpaq.
