Foto: Otbasy bank
Ol 2024 jyldyń qarasha aıynan bastap turǵyn úıge belsendi túrde aqsha jınaqtaı bastaǵan. Sodan keıin ol bankte óziniń alǵashqy jınaq shotyn ashty, kóktemde salymshyǵa «Otbasylyq paket» aıasynda týystarynyń biri jınaqtalǵan qarajaty bar depozıtin berdi. Dál sol salym Otbasy banktegi úsh mıllıonynshy jınaq shotyna aınaldy. Turǵyn úı satyp alý kezinde Shymkent turǵyny óziniń barlyq depozıtterin biriktire alady, sáıkesinshe bul qaryz alý sharttaryna oń áserin tıgizedi.
Statıstıkaǵa sáıkes, depozıt ustaýshynyń ortasha jasy - 35 jas.
Jalpy alǵanda, qazaqstandyqtar Otbasy banktegi depozıtterinde 2,4 trln teńge jınady. Olardyń ishinde asa únemdi klıentter bar: salymshylardyń biri óz shotyna 64,5 mln teńge jınaqtady. Banktiń qurdasy bolǵan depozıt te bar. Bul shottyń ashylǵanyna 22 jyl bolǵan jáne onda 6,5 mln teńge jınaqtalǵan.
Eń úlken depozıt ustaýshy - 92 jasta, al eń kishisi – 1 jasqa tolmaǵan. О́ıtkeni, Otbasy banktegi depozıtterdi kishkentaı qazaqstandyqtar týý týraly kýálik alǵan boıda ashýǵa bolady. Kóregen ata-analar bul múmkindikti paıdalanady, uldary men qyzdarynyń bolashaq baspanalaryna aldyn-ala jınaqtaý úshin depozıt resimdeıdi. Búgin balalarǵa 147,7 mlrd teńge somasyna 430 290 jınaq shoty ashyldy. Bul Otbasy banktegi depozıtterdiń jalpy sanynyń 15%-yn quraıdy.
«Turǵyn úı qurylys jınaqtary júıesiniń 22 jylǵy jumysy ishinde biz azamattarymyzdy únemdeýge úırettik. Qazir Qazaqstannyń ekonomıkalyq belsendi halqynyń 31,2%-y - osy júıeniń qatysýshylary. On jyl buryn bul kórsetkish 4,5 ese az boldy jáne tek 7,1%-dy qurady. Bir ereksheligi, bank salymshylarynyń 58,63%-y - áıelder. Olar kóbinese jınaqtaý týraly bastama kóteredi, otbasynyń bolashaǵyna qamqorlyq jasaıdy jáne mańyzdy qarjylyq sheshimder qabyldaıdy. Josparlaý, qarajat jınaý jáne maqsatqa umtylý qabileti olardy turǵyn úı jınaq júıesiniń negizgi qatysýshylaryna aınaldyrady. Úsh mıllıonynshy depozıt - árbir sannyń artynda úmitke toly shynaıy oqıǵanyń turǵandyǵynyń dáleli», dedi Otbasy banktiń Basqarma Tóraıymy Lıazzat Ibragımova.
2025 jyly qazaqstandyqtar 318 952 jańa depozıt ashty, olardyń basym bóligi onlaın, ınternet-bankıng jáne beıneservıs kómegimen ashyldy.
Otbasy banktiń jumysy bastalǵaly beri barlyǵy 5,3 mln shot ashyldy. Olardyń bir bóligi otbasylyq paket sheńberinde biriktirildi, shottar jaqyn týystary men týǵandaryna qol jetimdi mólsherlemeler jyldyq 3,5%-dan (JTSM 3,6%-dan 4,4%-ǵa deıin) jyldyq 8,5%-ǵa deıin (JTSM 9%-dan 9,6%-ǵa deıin). boıynsha qaryz alý úshin berildi.
Bank jumys istegen ýaqyt ishinde 7,6 trln teńge somasyna 592 293 kredıt berildi.
Qazir berilgen qaryzdyń ortasha somasy 18,5 mln teńgeni quraıdy.
