Ol qazirgi ýaqytta tergeý ızolıatoryna qamaldy. Oǵan qatysty tergeýdi Ulttyq qaýipsizdik komıteti (UQK) júrgizýde. Komıtet kúdiktiniń ne úshin ustalǵany týraly naqty aqparat bergen joq.
«Aqtaý halyqaralyq teńiz saýda porty» Ulttyq kompanııasynyń basqarma tóraǵasyna qatysty qylmystyq is munaı kontrabandasymen baılanysty bolýy múmkin.
Aıta keteıik, Aqtaý porty Kaspıı teńiziniń shyǵys jaǵalaýynda ornalasqan jáne halyqaralyq deńgeıde ártúrli qurǵaq júk, shıki munaı men munaı ónimderin shyǵystan batysqa, soltústikten ońtústikke jáne keri baǵytta, ıaǵnı Iran, Túrkııa, Reseı, Ázerbaıjan men Túrikmenstan baǵyttaryna jyl on eki aı, táýligine 24 saǵat boıy tasymaldaýǵa arnalǵan.
Búginde Aqtaý porty «Qazaqstan temir joly» UK» AQ qurylymyna kiredi jáne «Jańa Jibek joly» jobasynyń mańyzdy bóligi sanalady. Port qyzmetiniń baǵytyn ártaraptandyrý arqyly tranzıttik, onyń ishinde konteınerlik tasymaldardy belsendi túrde damytyp keledi. Sondaı-aq ol Transkaspıı halyqaralyq kólik baǵytynyń (TMTM) qatysýshysy bolyp tabylady.
