Yntymaqtastyq tereńdeı túsedi

Onda birlesken jobalardy iske asyrý barysy, sıfrlandyrý salasyndaǵy yntymaqtastyq sóz bolyp, ekijaqty ózara is-qımyldyń basym baǵyttary qaraldy. Taraptar ınfra­qurylymdy jańǵyrtý sheń­berinde yntymaqtastyqty keńeıtý keleshegi jóninde pikir almasty.

«Qazirgi ýaqytta Prezıdenti­mizdiń tapsyrmasy boıynsha ınfraqurylymdy jańǵyrtý, onyń ishinde energetıkalyq jáne kommýnaldyq ınfraqurylymdy jaqsartý boıynsha belsendi jumys júrgizilip jatyr. Osyǵan baılanysty ótken jyly Úkimet «Energetıkalyq jáne kommýnaldyq sektorlardy jańǵyrtý» ulttyq jobasyn bekitti. Energetıkalyq ınfraqurylymdy, sý qubyry jelileri men sýmen jabdyqtaý nysandaryn jańǵyrtý boıynsha saraptama jáne jańa tehnologııalarǵa qol jetkizý bóliginde sizdermen jemisti yntymaqtastyq ornatamyz dep úmittenemiz», dedi Oljas Bektenov.

Atap aıtqanda, bank ınnovasııalyq tehnologııalardy qosa alǵanda, jobalaýdy ońtaılandyrý, mınımaldy operasııalyq shyǵyndarmen ekono­mıkalyq ınvestısııalardy júze­ge asyrý jáne ekologııalyq máseleler­di sheshý boıynsha memlekettik organ­dardyń jumysyna halyqaralyq ozyq tájirıbeni engize alady.

Úkimet basshysy transshekaralyq sý jobalary aıasyndaǵy ózara is-qımyldyń mańyzdylyǵyn atap ótti. Sondaı-aq avtojol, temirjol jáne logıstıkalyq ınfraqurylymdy damytý jónindegi aýqymdy baǵdarla­many iske asyrýǵa nazar aýdaryldy. Birlesken jobalardy iske asyrýǵa tartylǵan otandyq kompanııalardyń úlesin arttyrýdyń mańyzdylyǵy da aıtyldy.

Qazir elimiz avtomobıl men temirjoldardyń uzyndyǵyn ulǵaı­týdy, olardyń sapasyn, ótkizý qabiletin jáne ekologııalyq turaqtylyǵyn arttyrýdy kózdep otyr. Sondyqtan Qaraǵandy – Jezqazǵan avtojoly, Almaty aınalma joly jáne Darbaza – Maqtaaral temirjol jelisi sııaqty jobalar boıynsha birlesken jumystarǵa erekshe mán beriledi.

Taraptar Aral teńiziniń soltústik bóligin qalpyna keltirý jobasynyń birinshi kezeńin iske asyrý nátıjelerine de toqtaldy. Sıfrlandyrý jáne JI salasyndaǵy yntymaqtastyq jaıy da qarastyryldy.

Kezdesý sońynda taraptar seriktes­tikti odan ári keńeıtýge jáne jańa bir­lesken bastamalardy iske asyrýǵa daıyn ekenin jetkizdi. Antonella Bassanı Dúnıe­júzilik banktiń yntymaq­tastyqty arttyrýǵa daıyn ekenin jáne Qazaqstan jarııalaǵan joba­lardy qoldap, osy baǵyttar boıyn­sha odan ári jumys isteýge múddeli ekenin atap ótti. Dúnıejúzilik bank­tiń málimetinshe, 1992–2024 jyl­dar ara­lyǵynda eki jaqty yntymaq­tas­tyqtyń nátıjesinde 8 mlrd dollar somasyna 48 joba iske asyryldy.