Elimizde otaý qurǵan árbir besinshi otbasy bedeýlikpen betpe bet kelip otyrǵanda, týra tapsyrys berip qoıǵandaı, Halyqaralyq balalardy qorǵaý kúni qarsańynda týǵan balalalardyń kindigi Almaty qalalyq perınataldyq ortalyǵynda kesildi.
Úsh birdeı qyz balanyń áke-sheshesi Nurmahan Álibaev pen Elmıra Rysmanova sábılerdiń eshqandaı reprodýktıvti tehnologııalardyń kómeginsiz ómirge kelgenin aıtady.
Aıaǵy aýyr kelinshek júktiligine 31 apta tolǵanda Qalalyq perınataldyq ortalyqqa túsken. Ortalyqtyń dárigerleri áıeldiń densaýlyǵy men júktiliktiń ereksheligi baılanysty shuǵyl kesar tiligin jasap, bosandyryp aldy.
Qoly epti, tájirıbeli mamandar operasııanyń kúrdeli bolǵanyna qaramastan, saǵat 14:07-de – salmaǵy 1711 gramm, boıy – 43 sm bolyp týǵan Fatımany, saǵat 14:08-de – salmaǵy 1748 gramm, boıy – 40 sm Zýhrany, saǵat 14:09-da – salmaǵy 1493 gramm, boıy – 40 sm Aısha esimdi nárestelerdi bosandyryp aldy.
Sábıler birden jańa týǵan nárestelerdiń jansaqtaý bólimine ornalastyrylyp, barlyq qajetti kómek kórsetilip jatyr. О́mirleriniń alǵashqy sátinen bastap kishkene shaqalaqtar dárigerlerdiń qamqorlyǵy men jiti baqylaýyna berildi. Perınataldy ortalyqtyń mamandarynyń kásibıliginiń arqasynda náresteler sát saıyn ál jınap, shıryǵyp keledi.
Erekshe júktiliktiń óz qıyndyqtaryna qaramastan, 36 jastaǵy ana da qazir ózin jaqsy sezinedi jáne dárigerlerge degen alǵysy da sheksiz.
«Bul meniń úshinshi egizderim. Bizdiń otbasymyzda 2019 jáne 2022 jyldary dúnıege kelgen 2 jup egizderimiz ósip jatyr. Al endi, 2025 jyly, dúnıege úshem ákeldim! Allaǵa shúkir, endi bizde 10 bala bar.Qalalyq perınataldyq ortalyqtyń akýsher-gınekologtaryna, dárigerlerine jáne barlyq mamandaryna shyn júrekten alǵys aıtamyn. Dárigerlerdiń kásibıliginiń jáne qamqorlyǵynyń arqasynda bári sátti ótti», deıdi aıaq-qolyn baýyryna alǵan Elmıra Rysmanova.
Osynaý aıtýly oqıǵaǵa ortaqtasyp otyrǵan Almaty qalalyq perınataldyq ortalyqtyń basshylyǵy medısınalyq ujymnyń joǵary kásibıligin maqtan tutady.
Bul sábıler – bıyl megapolıstegi perınataldyq ortalyqta dúnıe esigin ashqan alǵashqy úshem. О́tken jyly Almaty qalalyq perınataldyq ortalyǵy 16 700-den astam ana men olardyń jańa týǵan nárestelerine medısınalyq kómek kórsetti, 9014 balanyń dúnıege kelýine járdemdesti. Ortalyq qaladaǵy barlyq merziminen buryn bosanǵan áıelderdiń 62% qabyldaǵan.
