Baıqaýdyń maqsaty – shekara mańyndaǵy aımaqtardyń ómiri men mańyzdylyǵyna nazar aýdartý, sol óńirlerde turatyn balalardyń kózqarasy arqyly týǵan jerge degen súıispenshilik pen shekarashy mamandyǵyna degen qurmetti qalyptastyrý.
Baıqaýǵa 14 mektep oqýshysy qatysty. Olardyń ata-analary áskerı salada qyzmet etpese de, balalardyń shekara qyzmetine degen qyzyǵýshylyǵy men patrıottyq kózqarasy baıqaýda aıqyn kórinis tapty.
Baıqaý jeńimpazdaryn marapattaý rásimi QR UQK Shekara qyzmetiniń uıymdastyrýymen ótti. Atalǵan is-sharaǵa jýyrda Astana qalasyndaǵy 16 orta bilim berý mekemesinde ashylǵan «Jas shekarashy» synybynyń oqýshylary da arnaıy shaqyryldy.
Bul synyptyń ashylýyna da tikeleı bastamashy bolǵan – Áskerı-patrıottyq qyzmet basqarmasy. Sonymen qatar, ardager shekarashylar uıymy – «Zastava tarlandary» qoǵamdyq birlestigi synyptyń materıaldyq-tehnıkalyq jabdyqtalýyna demeýshilik kórsetip, oqýshylarmen aldaǵy ýaqytta turaqty áskerı-patrıottyq jumystar júrgizýdi josparlap otyr.
Memleket basshysy Ulttyq quryltaıdyń IV otyrysynda atap ótkendeı, shekara mańyndaǵy aýdandardy damytý – el qaýipsizdiginiń mańyzdy bóligi. Osy baǵyttaǵy bastamalar – shekaralyq eldi mekenderdegi jas urpaqtyń sanaly azamat bolyp qalyptasýyna úlken úles qosady.
