Bul basylymdar «Qazaq mýzykatanýshylary» ǵylymı-bıblıografııalyq serııa aıasynda jaryq kórdi. Tanystyrylǵan eńbekter qatarynda qazaqtyń belgili mýzykatanýshysy, ónertaný ǵylymdarynyń kandıdaty, professor Ǵafýra Beısenovanyń ómiri men shyǵarmashylyǵyna arnalǵan «Taǵylymǵa toly ǵumyr: Ǵafýra Nurǵalıqyzy Beısenova» ekinshi kitap jáne de ónertaný salasyna aıryqsha úles qosqan mýzyka zertteýshisi, Qazaqstannyń Eńbek sińirgen óner qaıratkeri, KSRO Kompozıtorlar odaǵynyń múshesi, Uly Otan soǵysynyń ardageri Jıenbek Jumanbaıuly Yrysaldınniń 100 jyldyǵyna arnalǵan «О́nerdiń syrbaz synshysy: Jıenbek Jumanbaıuly Yrysaldın» atty besinshi kitap bar.
Bul eńbekterde atalǵan tulǵalardyń ǵylymı murasy, óner salasyna qosqan úlesi men ómir joly qamtylǵan.
Jıyndy M.Áýezov atyndaǵy Ádebıet jáne óner ınstıtýtynyń «Mýzykataný» bóliminiń meńgerýshisi, ónertaný ǵylymdarynyń kandıdaty, qaýymdastyrylǵan professor Aınur Qaztýǵanova Aınur júrgizip, ǵalymdar
bul kitaptardyń ulttyq ónertaný ǵylymyna qosylǵan qundy úles ekenin aıtyp, osyndaı bastamalardyń jalǵasyn tabýy qajettigin atap ótti.
T.Júrgenov atyndaǵy QazUО́A «Dástúrli mýzykalyq óner» kafedrasynyń dosenti Jaıdargúl Qazybekova, Qurmanǵazy atyndaǵy QUK professory, M.Áýezov atyndaǵy Ádebıet jáne óner ınstıtýtynyń jetekshi ǵylymı qyzmetkeri Aqlıma Omarova, Jıenbek Yrysaldın jáne Ǵafýra Beısenovanyń qyzdary – Záýre Yrysaldına, BaıanY rysaldına, sondaı-aq basqa da týǵan-týystary, «Mýzykataný» bóliminiń qyzmetkerleri qatysyp mádenı-ǵylymı kezdesýdiń qazaq mýzykatanýshylarynyń murasyn keńinen nasıhattap, jas urpaqqa jetkizýge baǵyttalǵan mańyzdy qadam ekenin atap ótti.
ALMATY
