Qaraǵaıly skverinde ótken eske alý is-sharasyna qoǵam qaıratkerleri, qýǵyn-súrginge ushyraǵandardyń urpaqtary, sondaı-aq qaladaǵy jastar uıymdarynyń ókilderi qatysty.
«Búgin biz qýǵyn-súrgin men asharshylyq kezinde qaza tapqan ata-babalardyń rýhy aldynda adamı jáne azamattyq boryshymyzdy óteý úshin jınaldyq. Bir mınýttyq únsizdik – este saqtaýdyń, qurmettiń jáne sabaq alýdyń belgisi. Bizdiń mindetimiz – ótkenniń aýyr kezeńderin este saqtaı otyryp, búgingi birlik pen beıbitshilikti bekemdeý», - dedi Darhan Satybaldy.
Rásimge qatysýshylar saıası qýǵyn-súrgin men asharshylyq qurbandaryn bir mınýt únsizdikpen eske alyp, memorıalǵa gúl shoqtaryn qoıdy.
Is-sharadan keıin ákim Almaty ákimi qalalyq máslıhat depýtattarymen jáne qoǵam ókilderimen áńgimelesti.
ALMATY
