Barlyq mektepter tolyq qaǵıdat boıynsha jabdyqtalady – bul qazirgi zamanǵy synyptar, zerthanalar, sheberhanalar, kitaphanalar, sportzaldar, ashanalar jáne erekshe bilim berý qajettilikteri bar balalarǵa arnalǵan beıimdelgen orta.
Memleket basshysynyń tapsyrmasy boıynsha 2025 jyldyń sońyna deıin ulttyq joba aıasynda jobalyq qýattylyǵy 460,4 myń oqýshyǵa arnalǵan 300, 600, 900, 1200, 1500, 2000 jáne 2500 oryndyq 217 jaıly mektep salý josparlanǵan. Al 2024 jyldyń qorytyndysy boıynsha onyń 105-i paıdalanýǵa berildi.
Aýyldyq aımaqtardaǵy mektepterdiń qurylysyna erekshe nazar aýdaryldy: jańa mekemelerdiń shamamen 40%-y buryn oqý oryndarynyń tapshylyǵy sezilgen jerlerde salynady. Bul qalalyq jáne aýyldyq mektepter arasyndaǵy alshaqtyqty azaıtýǵa jáne óńirlerde balalardy oqý úshin laıyqty jaǵdaımen qamtamasyz etýge múmkindik beredi.
Joba basymdyqtarynyń biri – erte kásiptik baǵdar berý. Bastaýysh synyptarda kásibı synamalar, kásip ókilderimen kezdesýler, jobalyq aptalary ótkiziledi. Joǵary synyptarda – tereń beıindeý, tálimgerlik jáne jeke bilim berý marshrýttary. Ol úshin oqýshylarǵa ári qaraı bilim berý baǵyty men mamandyǵyn sanaly túrde tańdaýǵa kómektesetin "Mansap kompasy" sıfrlyq platformasy engiziledi.
Osylaısha, «Jaıly mektep» jobasy bilim berý salasyndaǵy memlekettik saıasattyń mańyzdy elementi jáne Qazaqstannyń adamı kapıtalyn damytýǵa uzaq merzimdi ınvestısııa bolyp tabylady.
