Foto: Ulttyq olımpıada komıtetiniń baspasóz qyzmeti
Jeńistiń birinshi oryn tuǵyrynan Alan Qurmanǵalıev (19 jasqa deıin), Abdýlla Mamaı men Noıla Hanııazova (aralas juptar, 19 jasqa deıin) kórinse, 11 jasqa deıingiler arasynda Adelıa Aljanova altynnan alqa taqty.
Al kúmis júldege 11 jasqa deıingiler saıysynda Nazerke Bolatbek ıe boldy.
Sonymen qosa, qola júldelerdi Darıa Gamova (19 jasqa deıin), Alekseı Markın (15 jasqa deıin) jáne Jánııa Bekmuhambetova (13 jasqa deıin) jeńip aldy.
Osylaısha Qazaqstan quramasy ústel tennısinen 3 altyn, 1 kúmis, 3 qola barlyǵy 7 medal enshiledi.
Eske salaıyq, buǵan deıin ústel tennısinen Qazaqstan quramasy ókili Jánııa Bekmuhambetova Ispanııanyń Pladja-de-Aro qalasynda ótken WTT Youth Contender týrnırinde top jarǵan bolatyn.
