Oǵan Ulttyq qaýipsizdik komıteti, Memlekettik kúzet qyzmeti, ishki ister, qorǵanys, tótenshe jaǵdaılar, mádenıet jáne aqparat, kólik mınıstrlikteri jáne jergilikti atqarýshy organdar qatysty.
Múddeli memlekettik organdardyń terrorıstik sıpattaǵy «gıbrıdti» qaýipterge den qoıýǵa jaýyngerlik ázirlik deńgeıi men úılesimdiligin tekserý júzege asyryldy.
Jaýyngerlikke barynsha jaqyn jaǵdaılarda dıversııalyq-terrorıstik aktilerdiń aldyn alý, sondaı-aq olardyń saldaryn barynsha azaıtý jáne joıý boıynsha trenıngter ótkizildi.
Kıbershabýyldarǵa den qoıý, shartty terrorısterdi izdeý jáne anyqtaý, brondy tehnıkasy bar arnaıy maqsattaǵy kúshterdiń ornyn aýystyrý, kepilge alynǵandardy bosatý jáne jarylǵysh qurylǵylardy zalalsyzdandyrý jónindegi operasııalardy júrgizý boıynsha vedomstvoaralyq ózara is-qımyl jasaý tetikteri pysyqtaldy.
Sonymen qatar shaqyrylǵan jýrnalıster úshin terrorızmge qarsy
is-qımyl máselelerin aqparattyq keńistikte jarııalaý boıynsha semınar-trenıng ótkizildi.
Oqý-jattyǵýlardyń qorytyndylary boıynsha barlyq maqsattarǵa qol jetkizildi, qoıylǵan mindetter oryndaldy. Elimizdiń aýmaǵyndaǵy terrorıstik qaýipterge qarsy is-qımyl sharalaryn jetildirý boıynsha qosymsha sheshimder ázirlendi.
