«Pallas Resources» – Ortalyq Azııadaǵy bolashaǵy zor mıneraldyq júıelerdi izdeý jáne damytý baǵytynda jumys isteıtin jekemenshik brıtandyq geologııalyq barlaý kompanııasy. Kezdesý barysynda uzaq merzimdi seriktestiktiń keleshegi sóz boldy. Denıel Rıklman «Pallas Resources/Ivanhoe Mines» kompanııalarynyń «Qazaqmys» korporasııasymen keń aýqymdy geologııalyq barlaý jumystaryn júrgizý aıasynda yntymaqtastyqqa múddeli ekenin bildirip, atalǵan kompanııany óńirdegi negizgi ári tájirıbeli seriktesterdiń biri retinde atap ótti.
Taraptar yntymaqtastyqtyń egjeı-tegjeıin jáne birlesken jobalardy iske asyrý máselelerin talqylaý úshin birneshe jumys kezdesýin ótkizýge ýaǵdalasty. Kelesi kezdesý «Qazaqmys» kompanııalar tobynyń óndiristik nysandarynda, sonyń ishinde Jezqazǵan qalasyndaǵy geologııalyq klasterde ótedi.
Jýyrda «Ivanhoe Mines» pen «Pallas Resources» Qazaqstan aýmaǵynda geologııalyq barlaý jumysyn júrgizý maqsatynda birlesken kásiporyn qurǵan bolatyn. «Qazaqmys» kompanııalar tobynda «Kazakhmys Barlau» jáne «Qazaq Geophysics» mamandandyrylǵan geologııalyq barlaý qurylymdary jumys istep jatyr. Bul kompanııalar zamanaýı geologııalyq barlaý jáne jınalǵan derekterdi taldaý ádisterin paıdalana otyryp, Qazaqstannyń mıneraldyq-shıkizat bazasyn keńeıtý strategııasyn dáıekti túrde júzege asyryp keledi.
«Ivanhoe Mines» – mys, nıkel, platına jáne ózge de metall ken oryndaryn barlaý, ıgerý jáne óndirýge mamandanǵan halyqaralyq taý-ken kompanııasy. Kompanııa qyzmeti Afrıka men Soltústik-Ortalyq Eýropany qamtıdy.
