Is materıaldaryna sáıkes, 2016 jylǵy 1 naýryzda K. men Turǵyn úı jáne turǵyn úı ınspeksııasy basqarmasy arasynda alty adamnan turatyn otbasy úshin turǵyn úıdi jalǵa berý sharty jasalǵan. Keıinnen K.-nyń qaıtys bolýyna baılanysty onyń jubaıy H. jalǵa alý shartyn óz atyna jańartý týraly Basqarmaǵa aryz bergen. Alaıda bul ótinish qanaǵattandyrylmaǵan.
2023 jylǵy 26 jeltoqsanda sot uıǵarymymen taraptardyń kelisimi bekitilip, H.-ǵa qyzynyń kámeletke tolýyna jáne múgedektigine baılanysty páterdi jekeshelendirý úshin otbasynan shyǵarý týraly aryz berý mindetteldi. О́z kezeginde Basqarma otbasy quramyndaǵy ózgeristerdi eskere otyryp, atalǵan máseleni belgilengen merzimde qaraýy tıis bolatyn.
Alaıda 2024 jylǵy 9 aqpanda ákimdiktiń turǵyn úı komıssııasy otbasy quramynyń ózgerýine baılanysty úsh bólmeli páterdiń ornyna eki bólmeli páter usyný týraly hattama qabyldap, jalǵa alý shartyn qaıta jasaýdy usyndy. Buǵan kelispegen H. atalǵan hattamany zańsyz dep taný jáne jalǵa berý shartyn jańartý týraly qolaıly sheshim qabyldaýǵa májbúrleý týraly talappen sotqa júgindi.
Birinshi jáne apellıasııalyq satydaǵy sottar H.-nyń talabyn qanaǵattandyrdy. О́z sheshimderinde olar Basqarmanyń otbasy quramynyń ózgerýine baılanysty burynǵy páterdi aýystyrýǵa zańdy negizi joq ekenin atap ótti.
Joǵarǵy Sot alqasy jergilikti sottardyń tujyrymdarymen kelisip, Basqarmanyń talap qoıýshymen jalǵa alý shartyn jasasýdan bas tartýy qoldanystaǵy turǵyn úı zańnamasyna jáne ákimshilik rásimder qaǵıdattaryna qaıshy ekenin kórsetti. Sonymen birge shyǵarylǵan sot aktileri senim quqyǵyn qorǵaý, zańdylyq pen ákimshilik is júrgizýdiń ádildigi qaǵıdattaryna tolyq sáıkes keledi dep tapty.
Osylaısha, Joǵarǵy Sot birinshi jáne apellıasııalyq ınstansııa sottarynyń sheshimderin ózgerissiz qaldyrdy.
