Foto: ashyq derekkóz
Oqıǵa meıramhananyń oıyn bólmesinde bolǵan. Bala dosymen birge qurǵaq basseınde oınap júrgen. Olar bir-birine jumsaq sharlar laqtyrǵan sátte, sol mańda otyrǵan basqa balanyń ákesi kenetten turyp, eshqandaı eskertý jasamastan, balany birneshe ret urǵan.
«Bala psıhologııalyq jaraqat aldy. Qazir ol barlyq eresek, tolyq deneli adamdardan qorqady. Kóshede bireý janynan óte qalsa – «ol sol adam, ol qaıta keldi» dep úreılenedi», deıdi advokat. Onyń aıtýynsha, oqıǵa beınebaqylaý kameralaryna jazylyp qalǵan. Kadrlardan er adamnyń balanyń arqa tusyna, keýde tusyna jáne bóksesine qatty soqqy jasaǵany anyq kórinedi. Keıin bala ata-anasymen birge №1 balalar aýrýhanasyna jetkizilip, keýde aımaǵyndaǵy kógergen jerleri tirkelgen.
Anasy dereý polısııaǵa habar bergenimen, quqyq qorǵaý organdary tıisti áreket jasamaǵan.
«Bizde dálel retinde birneshe telefonnan «102»-ge 11 ret qońyraý shalǵanymyz tirkelgen. Alaıda sol kúni eshkim kelmedi. Anasy óz betimen aýrýhanaǵa baryp, túnde aryz jazýǵa májbúr boldy», deıdi Janna Ýrazbahova.
Bastapqyda bul is toqtatylǵan. Alaıda Medeý aýdanynyń prokýratýrasy tergeýdiń toqtatylýyn zańsyz dep tanyp, isti qaıta qozǵaǵan. Qazir tergeýmen jańa anyqtaýshy aınalysyp jatyr.
Jábirlenýshi taraptyń aıtýynsha, soqqy jasaǵan er adam Almaty qalasy ákimdiginiń Qoǵamdyq keńesiniń múshesi bolýy múmkin. Bul derek resmı túrde áli naqtylanbaǵanymen, qoǵamda úlken rezonans týdyryp otyr.
Almaty qalalyq polısııa departamenti bul fakti boıynsha qylmystyq is qozǵalǵanyn rastady.
«Barlyq obektıvti mán-jaılar anyqtalǵannan keıin, zań aıasynda sheshim qabyldanady. Ýchaskelik ınspektor oqıǵa ornyna «102»-ge sıgnal túskennen keıin 6 mınýt ishinde jetken», dep habarlady vedomstvo.
Janel TО́LEÝBEKOVA, EUÝ stýdenti
