Foto: ashyq derekkóz
22 mamyr kúni Baımahanov kóshesinde ornalasqan «Syr bolashaǵy» balabaqshasynda qaıǵyly jaǵdaı tirkeldi. 2023 jyly týǵan búldirshin tárbıeshi men kútýshiniń jaýapsyzdyǵynan qaınaǵan sýǵa kúıip qaldy. Balanyń anasynyń aıtýynsha, qyzdyń denesiniń shamamen 40 paıyzy kúıip, birinshi, ekinshi jáne úshinshi dárejeli kúıik jaraqatyn alǵan. Alǵashqyda qyz bala jansaqtaý bólimine jatqyzylyp, keıin palataǵa aýystyrylǵanymen, jaǵdaıy áli de aýyr.
Anasy tek balabaqsha qyzmetkerlerin ǵana emes, mekeme basshylyǵy men salaǵa jaýapty sheneýnikterdi de jaýapqa tartýdy talap etip otyr. Onyń aıtýynsha, bul oqıǵa elimizdegi kóptegen jeke balabaqshalardaǵy baqylaýdyń álsizdigin, sanıtarlyq jáne órt qaýipsizdigi talaptarynyń oryndalmaıtynyn kórsetedi.
Qyzylorda oblystyq polısııa departamentiniń habarlaýynsha, «kámeletke tolmaǵan balany tárbıeleý jónindegi mindetterdi tıisinshe oryndamaý» baby boıynsha qylmystyq is qozǵalǵan. Qazirgi tańda tergeý amaldary júrgizilip, is oblys basshylyǵynyń jeke baqylaýyna alynǵan.
Sonymen qatar, ıývenaldy polısııa bólimshesi profılaktıkalyq jumystardy bastady. Oblystyq bilim basqarmasyna da resmı túrde suranys joldandy. Alaıda ata-analar men qoǵam belsendileri mundaı oqıǵalardyń aldyn alý úshin memlekettik balabaqshalarǵa tekserýdi kúsheıtýdi, personaldardyń kásibı daıarlyǵyn arttyrýdy jáne balalar qaýipsizdigin birinshi orynǵa qoıýdy talap etip otyr.
Janel TО́LEÝBEKOVA, EUÝ stýdenti
