Qoǵam • 04 Maýsym, 2025

Astanada shetelge jumysqa daıyndaıtyn ortalyq ashyldy

80 ret

kórsetildi

1 mın

oqý úshin

Elordada shetelde eńbek etýge nıetti azamattarǵa arnalǵan jańa kóshi-qon aldyndaǵy daıyndyq ortalyǵy ashyldy. Bul bastama qazaqstandyqtardyń shetelde jumysqa ornalasar aldynda jaqsyraq daıyndalýyna, qorǵalýyna jáne aqparattandyrylýyna baǵyttalǵan, dep habarlaıdy Egemen.kz Astana qalasy ákimdiginiń resmı saıtyna silteme jasap.

Egemen Qazaqstan

Astanada shetelge jumysqa daıyndaıtyn ortalyq ashyldy

Foto: Gov.kz

Ortalyq Astana qalasy ákimdiginiń Kareralyq ortalyǵy bazasynda ashyldy. Munda azamattar eńbek kóshi-qonynyń quqyqtyq, mádenı jáne praktıkalyq aspektileri týraly málimet ala alady. Taqyryptar qataryna mıgranttardyń quqyqtary, basqa elge beıimdelý, zańdyq erekshelikter men eńbek qyzmetine daıyndyq kiredi.

24564563463

Joba Halyqaralyq kóshi-qon uıymy (HKU) tarapynan QR Eńbek jáne halyqty áleýmettik qorǵaý mınıstrligimen, Astana qalasy ákimdigimen jáne Shveısarııanyń damý jáne yntymaqtastyq agenttiginiń (SDC) qoldaýymen júzege asyryldy.

Ashylý saltanatyna Astana qalasy ákiminiń orynbasary Erik Meırhanov, Eńbek mınıstriniń orynbasary Asqarbek Ertaev, Shveısarııanyń Qazaqstandaǵy elshisi Salman Bal jáne basqa da memlekettik organdar men halyqaralyq uıym ókilderi qatysty.

Ortalyqtyń ashylýy HKU-nyń Ortalyq Azııadaǵy basqarylatyn eńbek kóshi-qonyn ilgeriletýge baǵyttalǵan aımaqtyq baǵdarlamasynyń bir bóligi bolyp tabylady.

Alına QAIRATQYZY, EUÝ stýdenti