Kezdesý barysynda taraptar buryn qol qoıylǵan kelisimder sheńberinde birlesken jobalardy iske asyrý máselelerin talqylap, ekijaqty qatynastardy odan ári damytý perspektıvalary týraly usynystarmen bólisti.
Qabyldanǵan asa mańyzdy sheshimniń biri – KazNARU bazasynda eki ýnıversıtettiń akademııalyq resýrstaryn biriktiretin bilim berý jáne ǵylymı-zertteý platformasy bola alatyn birlesken Qazaqstan-Nemis ınstıtýtyn qurý týraly kelisim.
«Qazaqstan-Nemis ınstıtýty bakalavrıat, magıstratýra jáne PhD doktorantýra baǵdarlamalary boıynsha jas mamandardy daıarlaýdy júzege asyrady, sondaı-aq agroónerkásiptik keshendi damytýǵa baılanysty túrli baǵyttar boıynsha birlesken zertteýler júrgizý úshin ǵylymı potensıaldy úılestirý ortalyǵyna aınalady», - dep atap ótti Aqylbek Kúrishbaev.
Jańa birlesken ınstıtýtty sátti iske qosý úshin jáne belgilengen ýaǵdalastyqty iske asyrý boıynsha Jol kartasy ázirlenbek. Onda bilim berý baǵdarlamalary qurylymyn bekitý, oqytýshylar quramyn irikteý tetikterin qalyptastyrý, sondaı-aq halyqaralyq sarapshylardy tartý t.b. múmkindikterqarastyrylady.
Doktor Volrad Rommeldiń pikirinshe, jańa qurylymdy qurýǵa Germanııa men Eýrodaqtyń Halyqaralyq qarjy uıymdary tarapynan qoldaý kórsetilp, sondaı-aq stýdentterdi oqytýǵa memlekettik granttar bólinip, tehnologııalar transferi júzege asyrylmaq.
Qazaqstan-Nemis ınstıtýty bilim berý jáne oqytý ortalyǵy ǵana emes, sonymen qatarózara tájirıbe almasý jáne ozyq ǵylymı ázirlemelerdi engizý platformasy bolady dep josparlanyp otyr. Onyń sheńberinde agroónerkásiptik óndiris salasynda turaqty jáne ınnovasııalyq tehnologııalardy damytýǵa baǵyttalǵan birlesken zertteý jobalary iske asyrylmaq.
Kezdesý qortyndysynda taraptar belgilengen josparlardy odan ary tereńdete otyryp, áriptestikti jańa deńgeıge kóterýdiń naqty qadamdaryn belgileýge daıyn ekendikterin atap ótti.
ALMATY
