Rámiztanýshyǵa arnaldy

Senat depýtaty Nurtóre Jú­sip­tiń moderatorlyǵymen ót­ken kezdesýge senator Bıbigúl Jek­senbaı, Mádenıet jáne aqparat mınıstriniń orynbasary Aıbek Sydyqov, Ǵylym jáne joǵary bilim mınıstrligi Til saıasaty ko­mıtetiniń tóraǵasy Erbol Tile­shov, eks-senator Lázzat Súleımen jáne birqatar zııaly qaýym ókilderi, rámiz­tanýshynyń kózin kórip, shapa­ǵatyn sezingen jandar jınaldy.

Jıyndy ashqan N.Júsip bú­gin­gi rámizderimizdiń daıyndyq jumystarynyń otymen kirip, kúli­men shyqqan Erbol Shaımer­denulyn ulttyq geraldıkany qalyptastyrýǵa ólsheýsiz úles qosqanyn atap ótti.

Konferensııa barysynda aqyn Qalqaman Sarın Memlekettik keńes­­shi Erlan Qarınniń quttyq­taý hatyn oqyp berip, ony ju­baıy K.Shaımerdenovaǵa tapsyr­dy. Qut­tyqtaýda Erbol Shaı­merden­uly­nyń sanaly ǵumy­ryn eli­mizdiń mádenıeti men bas­pa­sózdiń, til salasynyń órken jaıýy­na, memlekettik rámizderdi ulyqtaý­ǵa arnaǵan taǵylymy zor tulǵa, birtýar azamat ekeni atap ótilgen.

«Ol Eltańba, tý, memlekettik rámiz retinde qabyldanyp jatqan kezde komıssııa múshesi bolyp, keıin rámizderdi zerde­lep, zerttep, salanyń damýyna zor úles qosty», degen Erlan Ty­nym­baıuly Kúlásh Qaıyrjan­qyzyna alǵys-rızashylyǵyn bildiripti.

Mádenıet jáne aqparat mı­­nıs­tri­niń orynbasary Aı­­bek Sydy­qov Erbol Shaımer­den­u­lynyń memlekettik rámizder­diń máni men mazmunyn ult bolmysy men tarıhynyń bıik ólshe­minde zerdelep, sóz ónerin memleket­tik ıdeologııaǵa toǵystyrǵan azamattardyń biri ekenine toqtal­dy. Sondaı-aq onyń qazaq geraldıkasyn zerdelep, rámiztanýdy ǵylymı negizge kóterip, bul salanyń qalyptasýy men damýy­na ólsheýsiz úles qosyp, eńbek sińirgenin de atap ótti.

Konferensııada senator B.Jek­senbaı, Til saıasaty komıte­tiniń tóraǵasy E.Tileshov, qoǵam qaıratkeri L.Súleımen, jazýshy Q.Jıenbaı, K.Shaımerdenova da sóz sóılep, estelikterin bólisti.

Jıyn barysynda «Elta­nym» taqyrybynda kitap kórme­si uıym­­das­­tyrylyp, E.Shaımer­denuly­nyń ómiri men eńbek jolyn baıan­da­­ǵan shaǵyn derekti fılm kórse­tildi.

Sondaı-aq ánshi Zarına Omarova arnaıy kelip, E.Shaımer­den­ulynyń sózine ja­zyl­ǵan Marat Omarovtyń «Arman qala» ánin oryndap berdi. Zarına bul án óziniń bala kúninen janyna jaqyn, erekshe jaqsy kóretin ánderiniń biri ekenin aıtty.