Foto: ashyq derekkóz
Qaıǵyly oqıǵa ótken jyly tamyz aıynda tirkelgen. «Torpedo» jastar komandasynyń qaqpashysy Ivan Pylenok ózin nashar sezingennen keıin aýrýhanaǵa jetkizilgenimen, qaıtys boldy. Alǵashqyda oqıǵa jaıly tek resmı aqparattar jarııalansa, kóp uzamaı áleýmettik jelilerde Ivannyń negizgi quram oıynshysy Andreı Lagýnovpen qaqtyǵysyp qalǵany kórsetilgen beınejazba tarady.
Marqumnyń ata-anasy balasynyń ólimine Lagýnovty kinálap, ony qamaýǵa alýdy talap etti. Alǵashynda sportshyǵa eshqaıda ketpeý týraly qolhatpen bultartpaý sharasy qoldanylǵan bolatyn. Alaıda jaqynda ótken sot otyrysynda Pylenoktyń ata-anasynyń advokatynyń ótinishimen Lagýnovqa qatysty bul shara úıqamaqqa aýystyryldy.
Sot qaýlysynda:
«Qylmystyq kodekstiń 389-babynyń 4-bóliginde kózdelgen qylmystyq quqyqbuzýshylyq jasady dep aıyptalǵan Lagýnovqa qatysty buryn tańdalǵan bultartpaý sharasy is qaralý merzimi aıaqtalǵanǵa deıin, biraq alty aıdan aspaıtyn merzimge úıqamaqqa ózgertilsin», delingen.
Aıta keteıik, Lagýnov Qylmystyq kodekstiń 389-baby 4-bóligi — «О́zin-ózi basqarý, aýyr zardaptarǵa ákelgen jaǵdaıda» boıynsha kúdikke ilindi. Bul bap úsh jyldan jeti jylǵa deıin bas bostandyǵynan aıyrýdy kózdeıdi.
Qazirgi ýaqytta istiń barlyq mán-jaıy anyqtalyp jatyr. Tergeý jalǵasýda.
Janel TО́LEÝBEKOVA, EUÝ stýdenti
