Foto: Ashyq derekkóz
STF qýaty jylyna 9 myń tonna sút óndirýge jetedi, al keshen tolyq iske qosylǵanda 180 jańa jumys orny ashylady.
Oblys ákimi Ermaǵanbet Bólekpaev Osakarov aýdanyna sapary barysynda jobanyń júzege asý barysymen tanysyp, bolashaq nysannyń irgetasyna eskertkish tasty ornatqan.
«Bul óte qajetti jáne mańyzdy joba. Jaqynda Nura aýdanynda 1200 basqa arnalǵan STF ashyldy. Endi jańa bastamalardyń arqasynda sút zaýyttaryn tolyq otandyq shıkizatpen qamtamasyz etemiz», dedi ákim.
Aıta keteıik, jobany «Evrazııa Invest LTD» JShS júzege asyryp jatyr. Kompanııa quryltaıshysy Ivan Georgıadı keshenniń birinshi kezeńi bıyl iske qosylatynyn, al fermada golshtın-frız tuqymdy sıyrlar ósiriletinin málimdedi.
«Keshenniń jeke jem-shóp bazasy bolady. Bıyl myń gektar jerge júgeri men jońyshqa egildi. Bolashaqta kásiporyn sýarmaly jer kólemin 10 myń gektarǵa deıin ulǵaıtyp, 120 jańbyrlatyp sýarý mashınasyn ornatady», dedi Ivan Georgıadı.
Sonymen qatar, jobada 12 myń tonnaǵa arnalǵan kókónis saqtaıtyn qoıma salý josparlanǵan.
Aıta keteıik, bıyl Osakarov aýdanynda egistik kólemi 450 myń gektarǵa deıin ulǵaıǵan. Bul byltyrǵydan 34,5 myń gektarǵa kóp. Sondaı-aq mal basy men ónim kólemi de artqan.
