Sottyń anyqtaǵany
Sottyń anyqtaǵany boıynsha, 2024 jyldyń 4 qazanynda D. Áskentaı men Sh. Polattyń arasynda Sh. Polattyń ákesi Q. Nurymovqa dórekilik tanytty degen sebeppen janjal týyndaǵan. Janjal barysynda Polat Áskentaıdyń betine birneshe márte soqqy jumsaǵan.
Budan keıin Áskentaı telefon arqyly óziniń dosy – sottalýshy N.Toqtaýbaevty shaqyrady, ol dúkenge kámelet jasqa tolmaǵan Y.-nyń basqarýyndaǵy mashınamen kelgen. Toqtaýbaev kele salysymen óziniń tanysy – sottalýshy Sh. Belgojaevty shaqyrǵan.
О́z kezeginde, Nurymov óziniń týǵan inisi N.Gaıpbaevty, al onyń uly Polat kámelet jasqa tolmaǵan dostaryn (2006 j.t. M.-ny, 2008 j.t. M.-ny jáne 2007 j.t. M.-ny) shaqyrǵan.
Arada 10-15 mınýt ótken soń oqıǵa ornyna sottalýshylar A.Toqtaýbaev, N. Ilıasov, R. Sakıev, Sh.Belgojaev, A.Shynasyl, odan basqa D. Jaqsygeldi men E.Nurbekova kelgen. Bulardan basqa, dúkenniń mańyna D. Qalıahmet, S.Abdyqadyr men D. Muratov ta kelgen.
Sottyń anyqtaǵan derekterine sáıkes, ári qaraı, atalǵan adamdardyń arasynda oryn alǵan eregis toptyq tóbeleske ulasqan.
«Kıkiljiń kezinde, Shynasyl kámelet jasqa tolmaǵan 2006 j.t. M.-nyń jaq tusynan bir soqqy jasaıdy (densaýlyǵyna jeńil zııan keltirilgen), Sakıev Gaıpovtyń betine bir soqqy jasaıdy. Kalıahmet te Gaıpbaevqa soqqy jasaýǵa árekettengen kezde, A.Toqtaýbaev pen N.Ilıasov Gaıpbaevqa qarsy pyshaqtarymen qol bulǵaıdy. A.Toqtaýbaev Nurymovtyń jelke tusynan taspen urady, Shynasyl Kadırovany (Polattyń ájesi) ıterip jiberedi», delingen habarlamada.
Tóbeles kezinde Shynasyl kámelet jasqa tolmaǵan Sherzat Polattyń keýde tusynyń sol jaǵyna bir ret pyshaq suǵyp alady. Aıta keteıik, 2024 jylǵy 11 qańtardaǵy №173 saraptamanyń qorytyndysyna sáıkes, Shynasyldyń pyshaq soqqysy Sherzat Polattyń ólimine sebep bolǵan.
Budan keıin, Shynasyl men Sakıev Gaıpbaevtyń oń jaq jambasynyń tusyna pyshaqpen suǵylmaly-kesilgen jaraqat keltiredi. Ilıasov Gaıpbaevty myltyqtyń dińimen uryp tastaıdy, sondaı-aq G. Beıshembıevanyń (anasy) oń jaq qolynyń tusynan soqqy jasaıdy (densaýlyǵyna jeńil dárejedegi zııan keltirilgen).
Kúdikti Áskentaı, N. Toqtaýbaev, Belgojaev, Ilıasov, Sakıev, Shynasyl top bolyp Gaıpbaev pen Polatqa qol-aıaǵymen soqqylar jasap, jaraqattar keltirgen (densaýlyqtaryna jeńil dárejedegi zııan keltirilgen).
Budan basqa, A.Toqtaýbaev oqıǵa ornynan Gaıpbaevtyń uıaly telefonyn urlaǵan. Shynasyldyń pyshaq suǵyp alǵan áreketteriniń saldarynan keltirilgen jaraqattardyń nátıjesinde Polat Talǵar qalasynyń Ortalyq aýdandyq aýrýhanasynda kóz jumǵan.
Qalǵan jábirlenýshilerdiń densaýlyqtaryna jeńil dárejedegi zııan keltirilgen. Kámelet jasqa tolmaǵan Y., oqıǵa ornynda bola tura, bolǵan jaǵdaılardy baqylap otyrǵan. Shynasyldyń pyshaqtar men qarýdy súrtip jatqanyn kórgen.
Sottyń aıtýynsha, sottalýshylardyń kinási dáleldemelerdiń jıyntyǵymen, ıaǵnı jábirlenýshilerdiń jaýaptarymen, kýálardyń jaýaptarymen, sot saraptamalarynyń qorytyndylarymen, beınejazbalarmen, zattaı dáleldemelermen bekıdi.
Taraptardyń ustanymy
Prokýror sottalýshylardy taǵylǵan aıyptar boıynsha kináli dep tanyp, olarǵa sáıkesinshe merzimderge bas bostandyǵynan aıyrý túrindegi jaza taǵaıyndaýdy surady.
Jábirlenýshiler men olardyń ókilderi barynsha qatal jaza taǵaıyndaýdy surady.
Sottalýshylar kinálaryn jartylaı moıyndap, olardyń is-áreketterin jeńilirek qylmys quramyna qaıta saralaýdy surady.
Aıta keteıik, búgin Almaty oblysynyń qylmystyq ister jónindegi mamandandyrylǵan aýdanaralyq soty Sherzat Bolattyń isi boıynsha qylmys jasaǵan toǵyz adamǵa qatysty úkim shyǵardy.
