Foto: Ashyq derekkóz
«Kómek kórsetý máselesine kelsek, saqtandyrý tólemi shamamen 20 mıllıon teńgeni qurady. Ákimdik tarapynan 10 mıllıon teńge tólendi, qosymsha taǵy 10 mıllıon teńge berý josparlanyp otyr. Sonymen qatar, turǵyn úı máselesin de sheship jatyrmyz. Bul otbasyǵa baspana beriledi. Ony resmı túrde aıtamyn», dedi qala ákimi.
Sonymen qatar, ákim oqıǵanyń sebepteri men kináliler tergeý nátıjesinde anyqtalatynyn atap ótti.
«Meniń bilýimshe, avtobýsty basqarǵan júrgizýshiniń bul salada tájirıbesi mol, burynnan jumys isteıdi. Qazir ol tergelip jatyr. Barshańyzdy tergeýdiń nátıjesin kútýge shaqyramyn. Qaıǵyly oqıǵanyń sebepteri men kináli tulǵalar anyqtalatyn bolady», dedi ákim.
Esterińizge sala keteıik, 2 maýsym kúni Astanada jolaýshylar avtobýsy jarnama ilingen baǵanaǵa soǵylǵan. Jol apaty saldarynan 15 adam túrli jaraqatpen aýrýhanaǵa jetkizilgen. Olardyń ishinde 2017 jyly týǵan qyz balanyń aıaǵyn kesýge týra kelgen.
