Foto: Aqorda
Memleket basshysy taýar aınalymynyń turaqty ósip kele jatqanyn, sondaı-aq ony ulǵaıtýǵa mol áleýet bar ekenin aıtty. Statıstıkaǵa sáıkes, bıylǵy tórt aıda ózara saýda-sattyq kólemi 83 mıllıon dollardan asty, al byltyr bul kórsetkish tórt ese artyp, 375 mıllıon dollarǵa jetken.
«Qazaqstan ekonomıkalyq yntymaqtastyqty ártaraptandyrýǵa jáne energetıka, aýyl sharýashylyǵy, densaýlyq saqtaý men týrızm salalarynda birlesken ınvestısııalyq jobalardy júzege asyrýǵa beıil», dedi Qasym-Jomart Toqaev.
Prezıdent bolgar kompanııalarymen, ınvestorlarymen ózara yqpaldastyqty qoldaıtynyn jetkizip, bul rette Saýda-ekonomıkalyq yntymaqtastyq jónindegi úkimetaralyq komıssııa negizgi ról atqaratynyna toqtaldy.
Rýmen Radev qonaqjaılyq tanytqany úshin rızashylyǵyn bildirip, Bolgarııa men Qazaqstannyń sanqyrly yntymaqtastyǵynyń kókjıegin keńeıtýge múmkindik mol ekenin atap ótti.
«Bolgarııa Qazaqstandy Ortalyq Azııadaǵy basty strategııalyq seriktesi sanaıdy. Tabystyń kilti – yqpaldastyqta. Eki el, sondaı-aq Eýropa Odaǵy men Qazaqstan arasyndaǵy qarym-qatynasty damytýda memleketterimizdiń strategııalyq turǵydan ornalasýyna arqa súıeýimiz qajet. Bul Azııa men Eýropany baılanystyrýda mańyzdy ról atqarady», dedi Rýmen Radev.
Kelissóz barysynda ekijaqty kún tártibindegi máseleler keńinen talqylandy.
Taraptar seriktestikti odan ári nyǵaıtýǵa jáne qazaq-bolgar qarym-qatynastaryn damytýǵa yqpal etetin jańa bastamalardy júzege asyrý nıetin rastady.
