Atalǵan jarysta serbııalyq Aleksandra Krýnıchpen birge fınalǵa deıin jetken Anna Danılına úzdik juptardyń tiziminde birden segiz satyǵa joǵarlap, qazirgi kezde 9 oryndy ıelenýde. «Úlken dýylǵa» sanatyndaǵy týrnırdiń sheshýshi synynda Krýnıch pen Danılına juby Italııanyń myqtylary – Sara Erranı men Jasmın Paolınıden 4:6, 6:2, 1:6 esebimen utyldy.
Fransııanyń astanasyndaǵy erlerdiń báskesinde úzdik segiz oıynshynyń qataryna qosylǵan Aleksandr Býblık bul joly 19 básekelesin basyp ozyp, 43 orynǵa jaıǵasty. Aleksandr Shevchenko TOP-100-dikti túıindep tur. Áıelder arasyndaǵy reıtıngte Elena Rybakına óziniń 11 ornyn saqtap qalsa, Iýlııa Pýtınseva 27 satyǵa taban tiredi.
