Aqmola oblysy polısııa departamenti baspasóz qyzmetiniń habarlaýynsha, bes balanyń bireýi alǵan jaraqatynan oqıǵa ornynda kóz jumǵan.
«Taǵy bir oqıǵa 7 maýsym kúni Qosshy qalasynda boldy. Kezekshi bólimshege Astanadaǵy aýrýhanalardyń birine 6 jasar qyzdyń jatqyzylǵany týraly habarlama kelip tústi. Oqıǵa ornyna kelgen polıseıler kámeletke tolmaǵan balanyń úıinde oınap júrip terezeden qulap ketkenin aldyn ala anyqtaǵan. Tergeý júrgizilip jatyr, onyń qorytyndysy boıynsha tıisti sharalar qoldanylady», dep bólisti vedomstvo.
Polıseıler ata-analardy taǵy da qyraǵy bolýǵa shaqyryp, balalardy, ásirese, joǵarǵy qabattarda ornalasqan páterlerde qaraýsyz qaldyrmaý kerektigin eske saldy. Sondaı-aq, bala terezege kóterile almaıtyndaı etip jıhazdy terezelerden alystatý kerek. Terezelerge blokatorlar nemese qorǵanys jolaqtary ornatylýy kerek.
Eske salaıyq, mamyr aıynyń sońynda elde jyl basynan beri 60 balanyń terezeden qulap ketkeni habarlanǵan bolatyn. Tótenshe jaǵdaılar mınıstrligi azamattardy habardar etý úshin drondardy paıdalanady.
