Foto:
Qala ákimdiginiń habarlaýynsha, jóndeý jumystaryna baılanysty, 10-15 maýsym aralyǵynda osy ýchaskedegi qozǵalys ishinara jabylady. Bul rette kólik qozǵalysy qaladan áýejaıǵa qaraı bir baǵytta ǵana uıymdastyrylady.
Esterińizge sala keteıik, 2023 jyly Turan dańǵyly Tulpar kópirinen Saraıshyq kóshesine deıingi ýchaskesinde, al 2024 jyly Kereı-Jánibek handar kóshesiniń Juldyz aınalymyna deıingi ýchaskesinde jóndeý jumystary júrgizilgen edi.
«Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady», dep habarlady qala ákimdigi.
