Sýret CTS baspasóz qyzmetinen
Astana ákimdiginiń Ýrbanıstıka ortalyǵy jarııalaǵan vıdeoda Qytaıdyń Tanshan qalasynan shyqqan zamanaýı vagondardyń Astanaǵa deıingi uzaq joly beınelengen. Júk kólikterimen jetkizilgen quramdar elimizge 10 kúnde 5300 shaqyrymdyq joldy júrip jetti.
«City Transportation Systems» kompanııasynyń habarlaýynsha, quramnyń uzyndyǵy 60 metr. Olar tolyq avtomattandyrylǵan basqarý júıesimen jabdyqtalǵan. Iаǵnı qozǵalys, esikterdi ashý-jabý, stansaǵa toqtaý men qozǵalysty baqylaý sııaqty barlyq operasııa kompıýterlik júıe arqyly júzege asady.
– Júrgizýshisiz basqarylady, degenmen barlyq úderis operatorlardyń baqylaýynda bolady, – deıdi kompanııa ókilderi.
Jańa kólik 600-den astam jolaýshyny tasymaldaı alady. Maksımaldy jyldamdyǵy – 80 km/saǵ, al ortasha jyldamdyǵy – 39,5 km/saǵ. Salmaǵy – 94 tonna.
LRT jobasynyń alǵashqy jelisi 22,4 shaqyrymdy qamtıdy. Baǵyt áýejaıdan bastalyp, «Nurly jol» temirjol vokzalyna deıin sozylady. Jol boıynda 18 stansa ornalasqan. Olardyń qatarynda EXPO, Abu Dhabi Plaza, Mınıstrlikter úıi jáne Ulttyq mýzeı syndy nysandar bar. Marshrýttyń tolyq uzaqtyǵyn júrip ótý ýaqyty shamamen 36 mınýt bolmaq.
