Elimizde ınvestorlarǵa salyqtyq jeńildikter jasalyp, kedendik bajdardan bosatylady, zattaı granttar, ıkemdi ári jekelegen preferensııalar beriledi. Iri ınvestorlarmen basym salalardaǵy jobalardy júzege asyrýǵa 25 jylǵa deıin zańnamalyq turaqtylyqty qamtamasyz etetin Investısııalar týraly kelisimder jasalady.
«Jaqynda ótken Astana ekonomıkalyq forýmynda Prezıdent Qasym-Jomart Toqaev elimizdiń Ortalyq Azııanyń turaqtylyǵy berik, yntymaǵy bekem, bolashaǵy aıqyn bolǵanyn qalaıtynyn erekshe atap ótti. Úkimetimiz ózara senim men ornyqty damý rýhynda tabysty jáne uzaqmerzimdi jobalar qurýǵa daıyn. Investısııa tartý – óńirdiń ekonomıkalyq paradıgmasynyń negizgi faktory. Qazaqstan 2029 jylǵa qaraı ekonomıkaǵa keminde 150 mlrd dollar kóleminde sheteldik kapıtal aǵynyn qamtamasyz etýdi maqsat etip otyr. Osy arqyly aýqymdy ári barynsha bıik maqsattar qoıylyp, oǵan qol jetkizýge ábden bolady. Ol úshin ulttyq ekonomıkany qurylymdyq qaıta qurýǵa baǵyttalǵan aýqymdy reformalar tabandy túrde júrgizilip jatyr», dedi O. Bektenov.
Daıyn ınfraqurylymmen jabdyqtalǵan, sondaı-aq salyqtyq ári kedendik jeńildikter beretin arnaıy ekonomıkalyq jáne ındýstrııalyq aımaqtar jumys isteıdi. «Astana» halyqaralyq qarjy ortalyǵynda bıznesti júrgizýge biregeı jaǵdaı jasalǵan. Bazasynda aǵylshyn quqyǵy ıýrısdıksııasynyń bolýy zańdy rásimderdiń ashyqtyǵyna kepildik beredi.
Sonymen qatar Oljas Bektenov saýda-ınvestısııalyq yntymaqtastyqty keńeıtý, energetıka men logıstıkadaǵy óńirlik áriptestikti tereńdetý, mańyzdy paıdaly qazbalar salasyn damytý, sondaı-aq sıfrlandyrý jáne ornyqty ósýdi qamtamasyz etý máselelerine nazar aýdardy.
Energetıka salasynda transshekaralyq jobalardy birlesip iske asyrý, «jasyl» energııany óndirý men berý úderisin qosa alǵanda, óńir elderi arasyndaǵy yntymaqtastyqtyń basym baǵyttary ataldy. Sondaı-aq kólik-logıstıkalyq ınfraqurylymdy damytýǵa, atap aıtqanda, Transkaspıı halyqaralyq kólik baǵyty sheńberinde iri ınvestısııalyq jobalardy júzege asyrýǵa nazar aýdaryldy.
Sıfrlyq ınfraqurylymdy transformasııalaý asa mańyzdy salalarǵa, onyń ishinde derekter ortalyqtaryn, transulttyq talshyqty-optıkalyq jeliler tartý, sýperkompıýterlik qýattardy jáne jasandy ıntellekt ekojúıesin damytýdy qosa alǵanda, uzaqmerzimdi ınvestısııalar tartý qajettigi atap ótildi.
О́zbekstan Respýblıkasynyń Prezıdenti Shavkat Mırzııoevtiń qatysýymen ótken plenarlyq otyrysta turaqty damý, ınvestısııalar jáne óńirlik áriptestik strategııalary talqylandy. Forýmda Bolgarııa Prezıdenti Rýmen Radev, Slovakııa Premer-mınıstri Robert Fıso, Ázerbaıjan Premer-mınıstri Alı Asadov, Qyrǵyzstan Mınıstrler kabınetiniń tóraǵasy Adylbek Qasymalıev, Tájikstan Premer-mınıstri Kohır Rasýlzoda, Túrikmenstan Mınıstrler kabıneti tóraǵasynyń orynbasary Nokergýly Ataǵulyev, Reseı Federasııasy Úkimeti tóraǵasynyń orynbasary Aleksandr Novak, Eýropa qaıta qurý jáne damý bankiniń prezıdenti Odıl Reno-Basso, BRIKS elderi bankiniń prezıdenti Dılma Rýsseff sóz sóıledi. Sonymen qatar is-sharaǵa premer-mınıstrler, halyqaralyq uıymdardyń, jahandyq korporasııalar men qarjy ınstıtýttarynyń ókilderi qatysty.
Forýmǵa qatysýshylar búkil óńirdiń ınvestısııalyq tartymdylyǵyn arttyrý úshin Ortalyq Azııa elderiniń kúsh-jigerin úılestirýdiń mańyzdylyǵyn atap ótti. Forým aıasynda О́zbekstan Respýblıkasynyń Prezıdenti Shavkat Mırzııoev Qazaqstan Respýblıkasynyń Premer-mınıstri Oljas Bektenovti qabyldady. Ol Qazaqstan Respýblıkasynyń Prezıdenti Qasym-Jomart Toqaevtyń quttyqtaýy men izgi tilegin jetkizdi. Kezdesý barysynda saýda-ekonomıkalyq, kólik-logıstıkalyq, ónerkásiptik, sý-energetıkalyq, mádenı-gýmanıtarlyq yntymaqtastyq máseleleri qaraldy.
О́zbekstan – Qazaqstannyń mańyzdy saýda seriktesi. Bıylǵy tórt aı qorytyndysynda taýar aınalymy ótken jyldyń sáıkes kezeńimen salystyrǵanda 9,4%-ǵa artyp, 1,3 mlrd dollar qurady. Eksport 15,9%-ǵa ósip, 1 mlrd dollarǵa jetti. Negizgi qozǵaýshy kúsh ónerkásip, avtomobıl ári aýyl sharýashylyǵy salalaryndaǵy kooperasııa boldy.
