Foto: Joǵarǵy Sot
Qazaqstannyń sot júıesi úshin mańyzdy oqıǵa jáne Pleným otyrysynyń negizgi máselesi QR Joǵarǵy Sotynyń jáne TMD Ekonomıkalyq sotynyń sýdıasy German Nurbaevtyń TMD Ekonomıkalyq sotynyń tóraǵasy bolyp saılanýy boldy.
Pleným músheleri Ǵ.Nurbaevtyń kandıdatýrasyn biraýyzdan qoldap, onyń joǵary kásibıligi jáne zań salasyndaǵy kóp jyldyq tájirıbesi atalyp ótti. Qazaqstan ókiliniń TMD Ekonomıkalyq Sotyndaǵy tóraǵalyǵy otandyq sot júıesiniń jańa tarıhynyń jańa taraýyn ashady jáne elimizdiń TMD quqyqtyq ınstıtýttaryn damytýdaǵy róliniń artyp kele jatqanynyń aıǵaǵy.
TMD ES tóraǵasynyń orynbasary bolyp qyrǵyzstandyq Aıbek Davletov saılandy.
«Ekonomıkalyq sot – TMD-nyń jarǵylyq organy, óz qyzmetin ad hoc formatynda naqty isterdi qaraý boıynsha júzege asyratyn turaqty jumys isteıtin halyqaralyq sot organy.
Sot TMD-ǵa qatysýshy memleketterdiń ózderiniń ekonomıkalyq mindettemelerin oryndaýyn qamtamasyz etýge shaqyrylǵan jáne TMD-ǵa qatysýshy memleketter arasyndaǵy daýlardy qaraý jáne Dostastyqtyń halyqaralyq quqyqtyq aktilerin túsindirý quzyretine ıe», dep habarlanǵan Joǵarǵy Sottyń baspasóz qyzmetinen.
