Foto: Ashyq derekkóz
О́nerkásip jáne qurylys mınıstrligi «Tapsyrys berýshiniń biryńǵaı terezesi» dep atalatyn jańa sıfrlyq ekojúıeni iske qosty. Bul júıe:
- Qurylys prosesin tolyq sıfrlandyrady;
- egov.kz platformasymen biriktiriledi;
- Jobalaýdan bastap nysandy paıdalanýǵa berýge deıingi barlyq kezeńderdi qamtıdy.
Úkimettiń málimetinshe, 2025 jyldan bastap iske qosylǵan «Naýryz» ıpotekalyq baǵdarlamasy arqyly 202 mlrd teńgeden astam somaǵa 7 746 qaryz berilgen. Baǵdarlama sharttaryna sáıkes, áleýmettik osal sanattaǵy azamattar úshin nesıe mólsherlemesi 7 paıyzdy, al qalǵan azamattar úshin 9 paıyzdy quraıdy.
Sonymen qatar, kópbalaly jáne áleýmettik jaǵdaıy tómen otbasylarǵa arnalǵan «Baqytty otbasy» baǵdarlamasy jalǵasyp jatyr. 2019-2024 jyldary bul baǵdarlama aıasynda 7 myńnan astam otbasy baspanamen qamtamasyz etildi. Al 2025 jyly taǵy 1 myńnan astam otbasyǵa turǵyn úı berý josparlanyp otyr.
«2020-2025 jyldarǵa arnalǵan «Nurly jer» baǵdarlamasy TKSh-ny damytýdyń júıeli tásilin qamtamasyz etedi: jumys bastalǵannan beri 2 myńnan astam kóppáterli úı kúrdeli jóndeýden ótti, tek 2024 jyly – 233 nysan. 2025 jylǵa taǵy 421 úıdi jóndeý josparlanǵan. Monoqalalar men aýyldyq aýmaqtardy damytýǵa erekshe kóńil bólinedi. «Otaý», «Asyl meken» jáne «Naýryz» baǵdarlamalary jeńildetilgen turǵyn úıdi, onyń ishinde ekinshi naryqtyda qarastyrady, bul ásirese halqy az óńirler úshin mańyzdy», delingen habarlamada.
Sondaı-aq, elimizde qalalyq ortany sapaly damytý maqsatynda jańa qujat – «Qalalardy keshendi standarttaý» ázirlengen. Bul standarttar qalalardy josparlaý, kólik ınfraqurylymy, turǵyn úı qurylysy men qoǵamdyq keńistikterdi jobalaýda biryńǵaı talaptardy engizedi.
