Aqtóbedegi joǵary oqý oryndary men mektepter arasyndaǵy áriptestik baılanys aıasynda uıymdastyrylǵan osy jobada qorshaǵan ortany búldiretin turmystyq zattardyń qoldaný deńgeıin azaıtý, sırek ósimdikterdi qorǵaý, ekojúıeniń tepe-teńdigin saqtaýdaǵy adamdardyń jaýapkershiligi taqyryptary qamtylyp, ekosana men ekologııalyq mádenıet týraly pikirtalastar ótti. «Ekovert» stýdenttik klýby músheleri oqýshylarǵa ósimdik quramyndaǵy nıtrat mólsherin anyqtaýdy úıretti, qaldyqtardy qarapaıym óńdeý tájirıbeleri jasaldy. Balalar ýnıversıtet janyndaǵy jylyjaıǵa gúl otyrǵyzyp, topyraq quramyn baıytý tájirıbesin júrgizdi. Spıkerler qatarynda bolǵan ekologııa sarapshylary, stýdenttik uıym jetekshileri, oqytýshylar aldynda balalar jobalaryn qorǵap, shyǵarmashylyq tapsyrmalar oryndady.
«Jazǵy lager jumysy balalardy tabıǵatty súıýge úıretedi. Olar ósimdikter dúnıesiniń áralýandyǵyn zerdelep, keıbir túrleriniń azaıyp ketýine sebep bolǵan jaıtterdi taldaıdy. Biz, eresekter, balalarǵa sanaly tutyný men qorshaǵan ortaǵa qurmetpen qaraýdy erte bastan úıretýimiz kerek», deıdi Q. Jubanov atyndaǵy Aqtóbe óńirlik ýnıversıteti áleýmettik máseleler jáne jastar saıasaty departamentiniń dırektory Bekarys Oljabaev.
Aqtóbe oblysy.
