Konferensııa barysynda alańdatarlyq derek alǵa tartylyp — ótken jyly Qazaqstanda birinshi ret júıke júıesi aýrýlarynyń 200 myńnan astam jaǵdaıy tirkelgeni málim boldy. Parkınson aýrýyna shamamen taǵy eki myńdaı adam dýshar bolsa, 600-den astam pasıentke shashyrańqy umytshaqtyq degen dıagnoz qoıylǵan.
Ásirese, mamandardy jastar arasyndaǵy kognıtıvti aýytqýlardyń beleń alýy alańdatyp otyr. Mysaly, 14-28 jas aralyǵyndaǵylardan 164 myńnan astam nevrologııalyq kesel túrleri anyqtalǵan. Onyń ishinde Parkınson aýrýy 5 adamnan, al shashyrańqy umytshaqtyq dıagnozy— 165 jas pasıentten tabyldy.
17 jasqa deıingi balalar arasynda da júıke júıesi aýrýlarynyń kóbeıip – 60 myńnan astam dıagnoz qoıylǵan. Onyń ishinde 25 myńǵa jýyq bala osy dertke birinshi ret shaldvǵyp otyr.
Al ótken jyly talma, ıaǵnı epılepsııa alǵash ret 1656 baladan anyqtalyp, 32 balaǵa mıastenııa, 19 balaǵa shashyrańqy umytshaqtyq dıagnozy qoıyldy.
Konferensııanyń mańyzdy oqıǵalarynyń biri — Qazaqstandyq Alsgeımer aýrýy men demensııa Alıansynyń qurylýy, sondaı-aq kognıtıvti buzylystardy dıagnostıkalaý men emdeý boıynsha Ulttyq strategııanyń qabyldanýy.
Talqylaǵa túsken taqyryptardyń ishinde epılepsııany emdeý qaǵıdattary, arqa aýrýlaryna em-dom júrgizýdiń zamanaýı algorıtmderi, mazasyzdyq, derbirsizdik sııaqty jaǵdaılarda jeke, derbestendirilgen emdeý tásili, shashyrańqy umytshaqtyq kezinde B-jasýshalyq terapııanyń keleshegi men aýyrsynýdy jeńýdiń mýltımodaldy ádisteri qarastyryldy.
Ǵylymı forýmnyń taǵy bir mańyzdy oqıǵasy — eldiń jetekshi medısınalyq joǵary oqý oryndarynyń stýdentteri, rezıdentteri, magıstranttary men jas mamandary arasynda ótken jas ǵalymdar baıqaýy edi. Baıqaýǵa 29 baıandama usynylǵan
Stýdentter arasynda birinshi oryndy Aldııar Beknur («Astana Medısına Ýnıversıteti» NAO) Fabrı aýrýynyń nevrologııalyq kórinisteri týraly baıandamasy arqyly jeńip ally. Ekinshi oryn stýdentter — Rahýl Kýmar Chopra, Rashmı Mıttal men Bhagıashrı Shýklege (Qazaqstan-Reseı Medısına Ýnıversıteti) kognıtıvti buzylystar kezindegi kommýnıkatıvtik daǵdylarǵa qatysty zertteýleri úshin berildi. Astana Medısına Ýnıversıtetiniń stýdenti Ońalsyn Nuraıymǵa júrek mıksomasynyń nevrologııalyq kórinisteri týraly baıandamasy úshin úshinshi oryn buıyrdy.
Rezıdentter arasynda birinshi oryndy Marııam Joldybaeva, Ajar Mamanova men Nurjas Úkibaev (QazUMÝ) spastıkalyq dıplegııasy bar balalardaǵy qaýip faktorlaryn zerttegeni úshin ıelendi.
Ekinshi oryndy S.Asfendııarov atyndaǵy Qazaq Ulttyq medısınalyq ýnıversıtetiniń eki komandasy ózara bólisti: biri — saýmal terapııasy jumysy úshin, ekinshisi — nevrologııalyq qabyldaýlarǵa arnalǵan onlaın-platformany ázirlegeni úshin.
Ekinshi orynǵa — «Nevrologııa» mamandyǵy boıynsha bilim alyp jatqan rezıdentýra tyńdaýshylary Álibek Altaev, Baqyt Muhambetova, Marjan О́ksikbaı, Mereı Bóbek(QazUMÝ) laıyq dep tanyldy.
Magıstranttar men jas mamandar arasynda Dınara Qurmanova (QazUMÝ) selektıvti dorsaldy rızotomııa týraly baıandamasymen birinshi oryn alsa, ekinshi oryn — Botagóz Bota (Qaraǵandy medısına ýnıversıteti) men Jańylsyn Ýrashevaǵa (BQMÝ) ınsýlt neıroreabılıtasııasy jáne ıshemııalyq ınsýlttiń boljamdyq markerleri boıynsha zertteýleri úshin berildi.
