Jaıyq-Kaspıı oblysaralyq basseındik balyq sharýashylyǵy ınspeksııasynyń baspasóz qyzmetinen málim etkendeı, balyq qorǵaý aksııasy 1 sáýir-31 mamyr aralyǵynda ótti.
«Bul aksııa Atyraý, Mańǵystaý jáne Batys Qazaqstan oblystaryndaǵy Jaıyq-Kaspıı sý basseıniniń aıdyndarynda bekire tuqymdas jáne basqa da balyq túrleriniń ýyldyryq shashýyna qolaıly jaǵdaı jasaý maqsatynda ótkizildi. Jaıyq-Kaspıı oblysaralyq basseındik balyq sharýashylyǵy ınspeksııasynyń ınspektorlary men shekara qyzmetiniń, quqyq qorǵaý organdarynyń qyzmetkerleri tabıǵatty qorǵaý zańnamasyn buzýǵa qatysty 1125 faktini anyqtady. Balyq qorǵaý zańnamasyna qaıshy áreket jasaǵan 867 adam ákimshilik jaýapkershilikke tartyldy. Brakonerlik jáne sırek kezdesetin, joıylyp bara jatqan balyq túrlerin zańsyz aýlaý deregimen 33 qylmystyq is qozǵaldy. Quqyq buzýshylarǵa 21,5 mln teńge aıyppul salyndy», dep habarlady ınspeksııanyń baspasóz qyzmeti.
Sondaı-aq, zańsyz aınalymnan 4 tonna 505 keli balyq tárkilengen. Onyń ishinde 1 tonna 330 keli bekire tuqymdas balyq túrleri, 2,006 keli qara ýyldyryq bar. Brakonerlerden 202 balyq aýlaý quraly, 44 sý kóligi alynǵan.
«Jaıyq-Kaspıı sý basseıniniń arnalarynda súzý jumysy júrgizildi. Sonyń nátıjesinde sý aıdyndarynan 661 zańsyz balyq aýlaý quraly tabyldy», dep málim etti ınspeksııanyń baspasóz qyzmetinen.
Atyraý oblysy
