Manýel Tevar – San-Fernando atyndaǵy Koroldik beıneleý óneri akademııasy syılyǵynyń laýreaty, Nıý-Iorktegi «Bradshaw & Buono» baıqaýynyń bas júldegeri. Ol Eýropanyń ataqty orkestrlerimen óner kórsetip, Karnegı-holl, Rýdolfıným, Vena konserthaýsy, Berlın fılarmonııasy, Madrıdtegi Ulttyq aýdıtorııa jáne álemge tanymal sahnalarda dırıjerlik etken. Keń aýqymdy mýzykalyq bilim men tájirıbege ıe Tevardyń árbir óner kórsetýi –kórkemdik talǵam men rýhanı erkindiktiń úılesimdi kórinisi.
Maqpal Qabden – qazaqstandyq fortepıano mektebiniń jańa býyn ókili. Parıjdiń bedeldi mýzyka akademııalarynda bilim alǵan ol jeke shyǵarmashylyq pen ustazdyq qyzmetti tabysty ushtastyryp keledi. Onyń konserttik qyzmeti Fransııa, Qytaı, Qazaqstan, Qyrǵyzstan jáne ózge de elderdi qamtıdy. Pıanıstiń repertýary Mendelson, Ravel, Prokofev syndy kompozıtorlardyń shyǵarmalaryn, sondaı-aq HH ǵasyrdyń kórnekti týyndylaryn qamtıdy. Maqpal Qabden Qazaqstan men sheteldiń jetekshi orkestrlerimen bir sahnada óner kórsetip, kásibı synshylar tarapynan joǵary baǵaǵa ıe bolǵan.
Álemdik klassıkalyq mýzykanyń eń úzdik úlgilerin toǵystyrǵan konserttik baǵdarlama, kásibı mýzykanttardyń sheberligi kórermenderdi tánti etti.
