Jol apatynan zardap shekken balaǵa uzaq merzimdi emdeý men ońaltý, keıinnen protezdeý qajettigi men basqa da qosalqy shyǵyndaryn jedel óteý maqsatynda Saqtandyrý kompanııasy zańnamada belgilengen qajetti qujattar toptamasyn, sonyń ishinde múgedektik týraly anyqtamany alǵanǵa deıin, saqtandyrý tólemin tolyq kólemde júzege asyrý týraly sheshim qabyldady.
Tasymaldaýshynyń jolaýshylar aldyndaǵy azamattyq-quqyqtyq jaýapkershiligin mindetti saqtandyrý týraly zańǵa sáıkes, jol-kólik oqıǵasy nátıjesinde balaǵa múgedektik berilgen jaǵdaıda, saqtandyrý tóleminiń mólsheri 5 000 AEK quraıdy, bul 19 660 000 teńgege teń.
Qazaqstanda múgedektik týraly anyqtama alý úshin medısınalyq-áleýmettik saraptamadan (MÁS) ótý qajet, bul aıtarlyqtaı ýaqytty qajet etedi. Barlyq qajetti rastaıtyn qujattar túsýine qaraı tólem isine qosa tirkelmek.
Saqtandyrý jaǵdaıynan keıin «Evrazııa» SK jedel jeli uıymdastyrylyp, oǵan JKO saldarynan zardap shekken avtobýs jolaýshylary nemese olardyń ókilderi habarlasqan. QR qoldanystaǵy zańnamasyna sáıkes saqtandyrý tólemderin alý tártibi týraly barlyq qajetti túsiniktemele men keńes berildi.
ALMATY
