Olımpıada aıasyndaǵy EQ-test
IQanat fınalısteri emosııalyq ıntellekt, kóshbasshylyq jáne kásipke beıimdilik boıynsha testten ótedi. Bul – irikteýdiń jańa strategııasy. Kóp jaǵdaıda balanyń jetistikterin mektep pánderi boıynsha bilimi emes, «soft skills» daǵdylary aıqyndaıdy. Osylaısha, bıyldan bastap qorytyndy testileýdiń akademııalyq bóligi 80%-dy qurasa, qalǵan 20% bóligi «jumsaq» daǵdylarǵa tıesili bolady.
«Bizdiń mindetimiz – balalardyń arasynan eń aqyldylardy emes, eń yntaly, bastamashyl jáne óz armanyna qol jetkizý úshin kúresýge daıyndaryn irikteý. EQ-test bizge mundaı balalardy tıimdi tańdaýǵa múmkindik beredi, sondaı-aq, eń mańyzdysy – balany keıin qaı baǵytta damytý kerektigin aıqyndap beredi. Emosııalyq ıntellekt ıkemdi dúnıe, eger bala tálimgerler, tıýtorlar jáne qoldaý bar durys ortaǵa tap bolsa, onyń kórsetkishteri jaqsarady. Mundaı tásil balanyń qaı tusy myqty, al qaı jaǵyn damytý kerektigin kórsetip beredi», - dedi IQanat akademııalyq dırektory Zýhra Shegenova.
Oqý-jattyǵýǵa toly apta
Testileý fınal aptasynyń bir ǵana kúninde ótedi. Ýaqyttyń negizgi bóligin uıymdastyrýshylar balalardy oqytýǵa jáne yntalandyrýǵa arnaıdy. Jasandy ıntellekt pen medıasaýattylyqtan bastap, kásibı baǵdarlaý, buqara aldynda sóıleý jáne oılaý dızaınyna deıingi túrli taqyrypta trenıngter men dárister bolady. Balalar tanymal bıznesmen, blogerlermen kezdesip, ınteraktıvti ǵylymı tájirıbelerge, reading-chellendjderge qatysady, al eresek balalar Peer-to-Peer jobasy aıasynda qatysýshylardyń bilimin tolyqtyrýǵa kómektesedi.
Aıta keteıik, IQanat – Qazaqstan kásipkerleriniń bilim berý jobasy, qazir joba qoǵamdastyǵynda 220 mesenat bar, olardyń árbiri óz óńiriniń balalaryna qamqorlyq tanytyp, olardyń damýyna úlesin qosady.
«Balalardyń kópshiligi úshin bul – óz aýylynan, óz óńirinen tys úlken qalaǵa alǵashqy sapary. Olar tuńǵysh ret ýnıversıtetterdi, bıznes ortalyqtardy, úlken dańǵyldardy kóredi. Olardyń sanasynda «Nege men emes?» degen basty suraq týady. Nege men osynda oqyp, elimizdi ózgertýge jumys istemeımin? Biz balalardy onlaın formatta da testileı alamyz, biraq segizinshi synyp oqýshylaryn ádeıi búkil elden jınap, basyn qosamyz. Olar óz aýyldarynyń syrtynda úlken álem baryn kórip, eń bastysy, óz arman-maqsattaryna qol jetkizýge bolatynyn túsinedi», - dedi ... oblysynyń qamqorshysy.
Medeýdegi mańyzdy kesh
Olımpıada Medeý taý shatqalyndaǵy stadıonda qorytyndylanyp, úzdik oqýshylardy marapattaý rásimi ótedi. Oqýshylardyń bir bóligi Býrabaıdaǵy IQanat High School of Burabay mektep-pansıonatynda bilim alý grantyna ıe bolady. Olardyń oqýǵa qatysty barlyq shyǵyny óteledi. Oqýshylardyń ekinshi bóligi IQ ADVANCED tereńdetip oqý baǵdarlamasyna qatyssa, úshinshi bóligi IQ-IP úsh jyldyq baǵdarlamasyna qosylady. Onyń aıasynda balalar joǵary oqý oryndaryna túsýge onlaın daıyndalady.
IQanat – aqyldy ári júıeli qaıyrymdylyqtyń jarqyn úlgisi. Irikteýden keıingi 3 jyl boıy balalarmen úzdik ustazdar men mentorlardyń jumys isteýiniń arqasynda joba túlekteriniń 94%-y Qazaqstan men sheteldiń jetekshi ýnıversıtetterine grant negizinde túsedi. Búginde joba túlekteri álemniń 17 elinde bilim alyp jatyr.
