Azamattyq qoǵamnyń aıtary kóp

Aıtýly is-sharanyń ashy­lý saltanatynda ob­lys ákiminiń oryn­basary Dıas Esdáýletov quttyq­taý sóz sóılep, óńirde aza­mattyq ­bastamalardy qoldaýǵa baǵyttalǵan jumystardy atap ótti. Forým moderatory, oblys­tyq Azamattyq alıansynyń tóraǵasy Danııa Qydyrbaeva qatysýshylarǵa forým baǵdarla­masyn tanystyryp, óńirlik delegattarǵa kezekpen sóz berip otyrdy.

Forým aıasynda úsh negiz­gi taqyryptyq sessııa uıymdas­ty­ryldy. «Azamattyq qoǵamdy damytý jáne sıfrlyq ınnova­sııalar» dep atalǵan birinshi sessııada ÚEU qyzmetin sıfrlandyrý, ChatGPT jáne basqa da tehnologııalardyń áleýmettik salada qoldanylýy, sondaı-aq azamattyq qatysýdyń jańa for­malary – petısııalar men halyq­tyq bıýdjet sııaqty quraldar talqylandy. «Memleket, bıznes jáne ÚEU arasyndaǵy tıimdi áriptestik» taqyrybyndaǵy ekin­shi sessııada qatysýshylar áleý­mettik kásipkerliktiń damýy, memleket-jekeshelik árip­tes­tiginiń tabysty úlgileri jáne ÚEU men BAQ arasyndaǵy ózara is-qımyldyń qoǵamdyq mańyzy týraly óz oılaryn ortaǵa saldy. Forýmnyń úshinshi sessııasy – «Azamattyq belsendilik jáne jastardy tartý». Spıkerler qa­tarynda Mádenıet jáne aqpa­rat mınıstrligi Azamattyq qoǵam isteri komıtetiniń tór­aǵasy Gúlbara Sultanova, oblys­tyq máslıhat depýtaty Erke­bulan Aqbolatov jáne «Jetisý jastary» resýrstyq ortaly­ǵy­nyń dırektory Shamıl Vankeev boldy. Sessııada jastar qozǵalystary men bastamalary, volonterliktiń damýy, sondaı-aq jastardyń belsendiligin arttyrýda áleýmettik jelilerdiń yqpaly keńinen talqylandy.

Odan keıin oblys ákimi Beıbit Isabaev Qazaqstan Azamattyq alıansynyń prezıdenti Baný Nurǵazıevamen jáne basqa da spıkerlermen kezdesti. Resmı qonaqtardy qarsy alǵan oblys basshysy óńirdegi azamattyq ıns­­tı­týtpen birlesip júrgizilip jat­qan jumystarǵa toqtaldy.

«Memleket basshysy Qasym-Jomart Toqaev ádilettilik, ashyq­tyq jáne qoǵammen keri baı­lanysty óziniń saıası baǵy­tynyń negizgi ózegi retinde bel­giledi. Prezıdenttiń «Halyq únine qulaq asatyn memleket» tujyrymdamasy – kúndelikti jumysymyzdaǵy negizgi usta­nym. Al «Adal eńbek – Adal aza­mat – Adal tabys» – qoǵam qundyly­ǵyn qalyptastyratyn basty baǵdar. Bul jolda azamattyq qo­ǵam ınstıtýttarynyń, sonyń ishinde úkimettik emes uıymdar, kásibı sarapshylar men qoǵam­dyq birlestikterdiń róli zor. Biz sizdermen birge qoǵamda saıası, turmystyq jáne ekologııalyq mádenıetti qalyptastyrý, rýhanııatty damytý boıynsha jumys júrgizip kelemiz jáne tutastaı alǵanda, eń aldymen, halyqtyń ómir súrý deńgeıin arttyrýǵa baǵyttalǵan áleýmettik mańyzy bar mindetterdi birlesip sheshe­miz», dedi B.Isabaev.

Belgili bolǵandaı, óńirde 578 úkimettik emes uıym, 22 etno­mádenı birlestik, saıası partııa­lardyń 7 óńirlik fılıaly, 14 salalyq kásipodaq birlestigi, 43 buqaralyq aqparat quraly bar. Quramynda 176 múshesi bar 11 qoǵamdyq keńes jumys is­teıdi, onyń 80%-y- – azamattyq qoǵam ókilderi. Sondaı-aq 55 kon­sýltatıvtik-keńesshi organnyń quramyna azamattyq sektordyń 149 ókili kiredi.

О́z kezeginde Baný Nurǵazıeva jergilikti atqarýshy organdar men azamattyq sektor arasyn­daǵy ózara is-qımyl baǵyttaryn keńeıtý jumystary 2023 jyldan beri uıymdastyrylyp kele jatqanyn aıtty. Atalǵan is-shara ár óńirde, al qorytyndy forým elordada ótedi. О́ńirdegi alǵashqy qadam Jetisý oblysynan bastaý alyp otyr.

Kezdesýde senator Bıbigúl Jeksenbaı óńirde azamattyq sektordy qoldaýdyń oń tájirıbesin qalyptasqanyn jetkizdi.

О́z kezeginde oblys ákimi bar­lyq usynylǵan jobaǵa qa­tys­ty sheshimder birlesip qabyl­­danatynyn, eń bastysy, usy­nystardyń qoǵamǵa tıimdi ári paı­daly bolǵany mańyzdy eke­­­­nin aıtty. Máselen, óńirde aza­­mattyq sektormen birlesip kósh­peli ońaltý qyzmetin kórsetý, «Invataksı» qyzmetiniń jumysy jáne taǵy basqa jobalar iske asyrylyp jatyr. Úkimettik emes uıymdardy qoldaý óńirde oqýshylardy jan-jaqty damytý men áleýmettendirý baǵytynda oblys basshylyǵynyń bastamasymen qolǵa alynǵan «Ádep-quqyqtyq tárbıe jónindegi mentor» jobasynyń iske asyrylýynan da aıqyn kórinip keledi.

Júzdesýde Mádenıet jáne aqparat mınıstrligi Azamattyq qoǵam isteri komıtetiniń tór­aǵasy Gúlbara Beketqyzy jas­tarmen jumys isteý jáne erik­tiler qozǵalysyn damytý baǵyt­taryna toqtaldy. Al Par­lament Májilisiniń depý­taty Marat Bashımov pen «Qazaq­stan halqyna» qoǵamdyq qory­nyń basqarma tóraǵasy Lázzat Shyńǵysbaeva azamattyq qoǵam­nyń damýyna qatysty pikir bólisti.

Jetisý oblysy